ရိုစီမပြောပြတဲ့ ဝေးကြသူများ နီးဖို့ရာ

ညနေစောင်းတစ်ခု၌ ကျွန်ုပ်သည် ကျွန်ုပ်၏ဟောခန်းရှေ့တွင် ခုံကလေးတစ်ခုံကိုချကာ ငုတ်တုတ်ကလေး ထိုင်ရင်း လမ်းသွားလမ်းလာများကို ဘာရယ်မဟုတ်ဘဲ ငေးမျှော်နေမိလေ၏။

ထိုအချိန်၌မှာပင် အသက် ၃၀ နီးပါးခန့် မိန်းကလေးတစ်ဦးသည် ကျွန်ုပ်ရှိရာသို့ ဆိုက်ဆိုက်မြိုက်မြိုက် လျှောက်လာခဲ့ပြီးလျှင် ကျွန်ုပ်၏ရှေ့၌ ဒူးထောက်ကာ ထိုင်ချလိုက်လေ၏။ တစ်ချိန်တည်းမှာပင် ရှိုက်ကြီးတငင်လည်း ငိုချလိုက်လေ၏။ တစ်ချိန်တည်းမှာပင် လက်အုပ်ကလေးကိုလည်း ချီထားရင်း –

“ဆရာ ဗေဒင်ဟောတဲ့အချိန် မဟုတ်ဘဲ ဆရာ့ဆီကိုလာပြီး အပူကပ်ရတဲ့အတွက် ခွင့်လွှတ်ပါ ဆရာ။ ကျွန်မ ဆရာ့ဆီကို သုံးခေါက်လောက် ရောက်ဖူးပါတယ်။ လာတာကလည်း ကိစ္စတစ်ခု တည်းနဲ့ပါ။ ဆရာ မှတ်မိလောက်မှာပါ”ဟု ပြော လိုက်သောကြောင့် ကျွန်ုပ်လည်း ၄င်း၏မျက်နှာကို သေချာကြည့်ရင်း ကျွန်ုပ်၏ မှတ်ဥာဏ်ကို ဇွတ်အတင်း ပြန်ခေါ်နေရလေ၏။ ထို့နောက်တွင်မှ –

“နင်ဟာ မြင်း …မြင်းမဟုတ်လား”ဟု ပြောလိုက်ရာ မိန်းကလေး၏ မျက်နှာသည် ၄င်းအား ကျွန်ုပ်မှတ်မိသွားသောကြောင့် သိသိသာသာပင် ဝင်းပသွားရလေ၏။ ထို့နောက် –

“ဟုတ် ဟုတ်ပါတယ်ဆရာ၊ ဆရာ ကျွန်မကို မှတ်မိသားပဲ”ဟု ဝမ်းသာအားရပြောလေ၏။

၎င်းမိန်းကလေး ကျွန်ုပ်ထံသို့ ပထမဆုံးအကြိမ် ဗေဒင်လာမေးခဲ့စဉ်က ၄င်း၏အမည်ကို ကြားလိုက်သောခဏ၌ ကျွန်ုပ်က –

“ဒီလိုနာမည်ရှင်မျိုးဟာ မြင်းနဲ့ တစ်မျိုးမ ဟုတ်တစ်မျိုး ပတ်သက်လိမ့်မယ်”ဟု ပြောလိုက်လျှင် ထိုမိန်းကလေးသည် တအံ့တဩဖြင့် –

“ဟုတ် ဟုတ်ပါတယ်ဆရာရယ် ဆရာက အဲဒီလောက်ထိတောင် လိုက်ပြီး သိတယ်နော်။ ကျွန်မငယ်ငယ်တုန်းက ကျွန်မရဲ့ အဖေဟာ အိမ်မှာ မြင်းတွေ မွေးထားခဲ့ဖူးတယ် ဆရာရဲ့။ ကျွန်မ ငယ်ငယ်လေးကတည်းက မြင်းကောင်းကောင်း စီးတတ်တယ်။ အခုတော့ အဖေလည်း မရှိတော့ပါဘူး။ အဲဒီမြင်းတွေလည်း မရှိတော့ပါဘူး”ဟု ပြန်၍ ဝန်ခံ ပြောဆိုခဲ့လေ၏။ ထို့ကြောင့် ကျွန်ုပ်သည် ထို မိန်းကလေးအား မြင်းနှင့်တွဲ၍ ထူးထူးခြားခြားမှတ်မိနေခဲ့ခြင်း ဖြစ်ပါလေတော့၏။

ယခု ထိုမြင်းမကလေးသည် ကျွန်ုပ်ထံသို့ ရောက်လာပြန်ပြီဖြစ်၏။

“ဒီလိုပါ ဆရာရယ် …အရင်အခေါက်တွေတုန်းက ကျွန်မရဲ့ ဖြစ်ကြောင်းကုန်စင်ကို အရိပ်အမြွက်လောက် ဆရာ့ကို ပြောပြခဲ့ဖူးပါတယ်။ တခြားလူတွေရှိနေတော့ အသေးစိတ်ကို မပြောဝံ့လို့ အသေးစိတ် မပြောခဲ့ရဘူး။ ဒါကြောင့် ဆရာ့ဆီမှာ လူရှင်းမယ့် အချိန်ကို တမင်ရွေးပြီး လာခဲ့ရတာပါ ဆရာရယ်…အဲဒီအတွက် ကျွန်မကို ခွင့်လွှတ်ပါ” ဟု တောင်းပန်စကားကို ရိုရိုကျိုးကျိုးပင် ပြောပြန် လေ၏။ ထို့နောက် မြင်းမကလေးကပင် ဆက်လက်၍ –

“ကျွန်မအသက် ၁၆ နှစ်လောက်မှာ နှစ်ဖက် မိဘတွေက သူတို့ချင်း ညှိနှိုင်းတိုင်ပင်ပြီး ကျွန်မနဲ့ ကောင်လေးတစ်ယောက်ကို သဘောတူ စေ့စပ်ထားခဲ့ကြတယ်။

ဘယ်လိုဖြစ်တယ် မသိပါဘူး ဆရာရယ်။ ကျွန်မကလည်း အဲဒီကောင်လေးကိုဆိုရင် ကြည့်လို့ ကိုမရဘူး။ တငိုငို တရယ်ရယ်နဲ့ မိဘတွေကို ပြောပါသေးတယ်။ မိဘတွေကလည်း လုံးဝမလျော့ဘူး။ အဲဒီတုန်းက ဖေဖေကလည်း ရှိသေးတာကိုး ဆရာရဲ့။ ဖေဖေက မြင်းပေါ်က လိမ့်ကျပြီး ခါးရိုးကျိုးသွားရာက အိပ်ရာထဲမှာ နာတာရှည် လူမမာဖြစ်သွားတယ်။ သူက ကျွန်မကို အဲဒီကောင်လေးနဲ့ပဲ ဇွတ်အတင်း နားချနေတယ်။

ဘယ်လိုဖြစ်တယ်မသိပါဘူး ဆရာရယ်။ အဲဒီ ကောင်လေးကလည်း ကျွန်မကိုဆိုရင် ခါးခါးသီးသီးပဲ။ ကျွန်မကို ယူမယ့်အစား မျောက်မကို အမြီးဖြတ်ပြီး ယူတာကမှ တော်ဦးမယ်လို့တောင် ပြောတဲ့အထိပါပဲ။

အဲဒီတော့ နှစ်ဖက်မိဘချင်းကတော့ သဘောတူတယ်။ ကျွန်မတို့ လူငယ်ချင်းကတော့ ဘဲရီး ဆောရီး တောကြီးမြိုင်လယ်ဖြစ်နေကြတာပေါ့ ဆရာရယ် …၊ ဒီလောက်တောင် သဘောတူနေကြရင် သဘောတူတဲ့ မိဘချင်းတွေပဲ လေးဦးလေးဖက်ယူလိုက်ကြတော့ပေါ့။ ကျွန်မတို့ကို ဇွတ်အတင်း မစီစဉ် ပါနဲ့လို့ ပြောမိတဲ့အထိပါပဲ။

ဘယ်လိုဖြစ်တယ်မသိပါဘူး ဆရာရယ်။ အဲဒီလောက် ခါးခါးသီးသီးဖြစ်ခဲ့ကြတဲ့ သူနဲ့ ကျွန်မဟာ မိဘတွေ စိတ်ချမ်းသာအောင် ဟန်ဆောင်ပန်ဆောင် ဆက်ခံခဲ့ကြရင်းကနေ အင်မတန် ချစ်တဲ့ မျက်စိအောက်ကနေ အပျောက်မခံနိုင်တဲ့ ချစ်သူတွေဘဝကို ရောက်သွားခဲ့ကြပါလေရော။ အဲဒီမှာတင် ဒီတစ် သက်မကဘူး နောက်ဆယ်ကမ္ဘာအထိ မခွဲမစမ်းရယ်လို့ ကျွန်မတို့ သစ္စာပန်ခဲ့ကြတယ်။

ဘယ်လိုတွေဖြစ်တယ်မသိပါဘူး ဆရာရယ်။ ကျွန်မရဲ့ ချစ်ကံကိုက ခေလွန်းတယ်ထင်ပါတယ်။ ကျွန်မတို့နှစ်ယောက်ချင်းလည်း မိုးမမြင် လေမမြင်လည်း ချစ်ကြရော ဖေဖေက ဆုံးပါလေရော။ ဖေဖေမဆုံးခင် တစ်ရက်မှာ ကျွန်မချစ်သူက ဖေဖေ့အတွက်ဆိုပြီး ရေခဲမုန့်တွေ ဝယ်လာတယ်။ အဲဒါကို စားပြီး ဖေဖေ ရောဂါဖောက်သွားတော့တာပဲ။ နောက်နေ့မှာ ဖေဖေ ဆုံးတယ်။ မေမေက သူ့ယောကျာ်းဆုံးတဲ့ တရားခံဟာ ကျွန်မချစ်သူကြောင့်ပဲလို့ မျက်စိစုံမှိတ်ပြီး စွပ်စွဲတော့တာပါပဲ။ အိမ်ရိပ်ကိုတောင် မနင်း နဲ့ဆိုပြီး ကြမ်းတော့တာပါပဲ။ ကျွန်မချစ်သူလည်း ဖေဖေ့အလောင်း မြေကျတဲ့နေ့ကစလို့ မေမေနဲ့ ပြဿနာဖြစ်ပြီး အိမ်ကို မလာရဲတော့ဘူး။

သူတို့ရဲ့ မိဘတွေကလည်း မေမေ့ကို တအားကြီး စိတ်ဆိုးကြတော့တာပေါ့။ ဘာဖြစ်တယ် ညာဖြစ်တယ်နဲ့ နောက်ဆုံးတော့ တိုတိုပြောရရင် ကျွန်မတို့ချင်း စေ့စပ်ထားတဲ့ ကိစ္စကိုလည်း ဖျက် သိမ်းလိုက်ကြတယ်။ ရန်သူကြီးတွေလို အခဲမကြေတွေ ဖြစ်ကုန်ကြတယ်။

နောက်တစ်ခါ တိုတို ထပ်ပြောရရင်တော့ ကျွန်မဟာ ကျွန်မချစ်သူနဲ့ ခိုးရာလိုက်ပြီး ပြေးခဲ့တယ်။ နှစ်ပတ်တောင် မကြာလိုက်ပါဘူး။ နှစ်ဖက်မိဘတွေက ဇွတ်အတင်းလိုက်ရှာပြီး ခွဲထားလိုက်ကြတယ်။ တစ်ဖက်နဲ့ တစ်ဖက်လည်း အပြန်အလှန် တရားတွေစွဲကြတယ်။ ဘာတွေမှန်းလည်း မသိပါဘူး ဆရာရယ်။

ကျွန်မရဲ့ ချစ်သူကလည်း ကျွန်မကိုပါ မအေဘက်က ပါတယ်ဆိုပြီး သစ်စိမ်းချိုး ချိုးတဲ့ စာတစ်စောင် ပက်ပက်စက်စက် ရေးပြီး ပို့လိုက်တာ။

ဘယ်လိုဖြစ်တယ် မဆိုနိုင်ပါဘူး။ ဆရာရယ်။   နှစ်ဖက်မိဘတွေဟာ အပြန်အလှန် တရားစွဲကြရာကနေ ဟိုဘက်ဒီဘက် ညှိကြရင်း အခုကြတော့ ပြန်ပေါင်းထုပ်ကုန်ကြပြန်ပါလေရော ဆရာရေ …။ အဲဒီတော့ ကျွန်မတို့နှစ်ယောက်ကို ကျကျနန လက်ထပ်ပေးမယ်ဆိုပြီး စီစဉ်ကြပြန်ပါလေရော။

အခု ခက်နေတာက ကျွန်မရဲ့ ဆယ့်သုံးရက် ပေါင်းလိုက်ရတဲ့ ယောကျာ်း၊ ကျွန်မချစ်သူက ကျွန်မ ကိုယူမယ့်အစား မျောက်မကို အမြီးဖြတ်ပြီး ယူမယ်လို့ ဖြစ်နေပြန်ရော ဆရာရဲ့။

ကျွန်မတို့ရဲ့ ဇာတ်ထုပ်က ဂျာအေး သူ့အမေ ရိုက်တာလား။ သူ့အမေကို ဂျာအေးက ပတ်ပြေးနေတာလား မသိတော့ပါဘူး ဆရာရယ် …။ ကျွန်မမှာလည်း ရှက်ရလွန်းလို့ လူတောတိုးရဲဖို့ဆိုတာ ဝေလာဝေး၊ အိမ်မှာမွေးထားတဲ့ ကြောင်ကလေး နှစ်ကောင်ကိုတောင် မျက်နှာရဲရဲမပြဝံ့တဲ့ ဘဝမျိုး ရောက်နေရပါတယ် ဆရာရယ် …။ ကျွန်မချစ်သူနဲ့ ကျွန်မ အမြန်ဆုံးပြန်ပေါင်းချင်လှပါပြီ။

အရင်နှစ်ခါ ဆရာပေးလိုက်တဲ့ ယတြာနည်းတွေကိုလည်း ကျွန်မ သေသေချာချာ လုပ်ပါတယ်။ အခုထိတော့ သိပ်ပြီးမထူးသေးဘူး ဆရာရေ။ အဲဒါ ကြောင့် ကျွန်မရဲ့ အဖြစ်အပျက်တွေကို ဆရာ့ကို အေးအေးဆေးဆေး ပြည့်ပြည့်စုံစုံ လာပြောရင်း ထပ်ပြီး အပူလာကပ်တာပါ”ဟု ရှည်လျားထွေပြားစွာ သုံးကားပေါင်းမိုးအလင်း သူမ၏ အချစ်ဇာတ်လမ်း အရှုပ်တော်ပုံကို ရင်ဖွင့်ပါလေတော့၏။ ထိုအချိန်၌မှာပင် –

“ဂွဒ်မောနင်း မင်္ဂလာပါ ဆရာ …” ဟူ သော အသံစာစာကလေးကို ကြားလိုက်ရသောကြောင့် ကျွန်ုပ်လည်း မျက်လုံးကို ပင့်၍ကြည့်လိုက်ရာ မည်သည့်အချိန်က ရောက်နေသည်မသိသော ရိုစီမဆိုသည့် မိန်းကလေးကို တွေ့လိုက်ရပါလေတော့၏။

ရိုစီမသည် ဒုတိယကမ္ဘာစစ်အတွင်းက မြန်မာပြည်ကို ရောက်လာခဲ့သော မျက်နှာဖြူအရာရှိတစ်ဦး၏ သမီးတစ်ဦးဖြစ်ခဲ့ပြီး ခွေးရူးကိုက်ခံရ၍ သေလွန်ခဲ့ကာ လူပြန်ဝင်စားသည်ဟု သူ့ကိုယ်သူ ထင်နေသော ခပ်ကြောင်ကြောင် မိန်းကလေးတစ်ဦး ဖြစ်၏။

သူ၏ပါးစပ်မှလည်း ထူးထူးဆန်းဆန်း စကားများ မကြာခဏ ထွက်လာလေ့ရှိ၏။ အထူးသဖြင့် အင်္ဂလိပ်တစ်ဦးအလား အင်္ဂလိပ်စကားများ  ထွက်ပေါ်လေ့ရှိ၏။ ကျန်းမာရေးကြောင့် နှစ်တန်းပင် မအောင်ခဲ့ဘဲ ကျောင်းထွက်လိုက်ရသော ရိုစီမ၏ပါးစပ်မှ ထိုသို့ အင်္ဂလိပ်စကားများ ထွက်ပေါ်လာခြင်းမှာမူ လွန်စွာထူးဆန်းလှသော ကျွန်ုပ်ဥာဏ်မမီသော ကိစ္စ ဖြစ်လေတော့၏။ ထိုရိုစီမသည် ကျွန်ုပ်ထံသို့ မကြာခဏဆိုသလို ရောက်ရောက်လာပြီးလျှင် အမြီးအမောက်မတည့်သော စကားများကို ပြောလေ့ရှိ၏။

သို့ရာတွင် ထိုအမြီးအမောက်မတည့်သော စကားများထဲ၌ အနောက်တိုင်းဂမ္ဘီရပညာရှင်တို့၏ လွန်စွာ အစွမ်းထက်သော ဂမ္ဘီရနည်းစနစ်အချို့လည်း ရောညှပ်၍ ပါလာလေ့ရှိလေ၏။

ယခုလည်း ရိုစီမသည် ကျွန်ုပ်ထံသို့ ရောက်လာပြန်ပြီဖြစ်၏။ သူသည် အတော်စောစောကပင် ရောက်နေခဲ့ဟန်တူ၏။ မြင်းမလေး၏ အချစ်ဇာတ် ကြောင်း အရှုပ်တော်ပုံကို ကျွန်ုပ် စူးစိုက်စွာ နား ထောင်ခဲ့စဉ်ကပင် ရောက်နေဟန်တူ၏။ သူလည်း ဇာတ်လမ်းအပြည့်အစုံကို ကြားခဲ့ဟန်တူ၏။

ရိုစီမသည် သူ့ထက် အသက်အနည်းငယ်မျှ ကြီးသော မြင်းမလေး၏ ပခုံးကို အသာပုတ်ရင်း –

“ဒါလေးများ မြန်မာဆေးစား ပျောက်ရောပေါ့ အစ်မရယ်။ ပူပူလေးနဲ့ ကောင်းတယ်တော်လို့ တောင် ဖြစ်သွားဦးမယ်။ သုံးမိနစ်ပဲစောင့်” ဟု ပြောကာ ကျွန်ုပ်၏ ဟောခန်းအတွင်းသို့ ပိုင်စိုးပိုင်နင်း ဖြင့် ပြေးဝင်သွား၏။ ထို့နောက် စာရွက်လွတ်တစ်ရွက်နှင့် ဆော့ပင်တစ်ချောင်းကို ယူလာကာ ပုံကလေးတစ်ပုံကို လျှပ်တစ်ပြက်ဆိုသလိုပင် ရေးခြစ်လိုက်လေ၏။

 

ဆက်လက်ဖော်ပြပါမည်။

 

သဗ္ဗေဓမ္မာ

ဇင်ယော်နီ

Comments

comments

Post Author: manawmaya