လူသေကို ဖုတ်သွင်းသည့် အတတ် အမှန်ပင် ရှိသလော

(ဆူလာဝေစီကျွန်းမှ  လမ်းထွက်လျှောက် သောလူသေများ)                              

ကမ္ဘာပေါ်တွင် ဖုတ်သွင်းအတတ် ဆို သည်မှာ ကြးဖူးကောင်း ကြားဖူးမည်ဖြစ်သော်လည်း ကိုယ်တွေ့ မြင်ဖို့ကား လွယ်ကူသည့် ကိစ္စမဟုတ် ချေ။ ကျွန်ုပ်တို့ မြန်မာနိုင်ငံတွင်ရှေးယခင်(မည်သည့် ကာလဟုအတိအကျမသိ)က လူသေလျှင် သုသာနု သို့ သယ်ယူမြှုပ်နှံရန် မလိုဘဲ၊ အလောင်းကောင် ကို ခေါင်ရန်းပန်း ပန်ပေးပြီး စေလွှတ်လိုက်သည်နှင့် သူ့ဖာသာသူ မြှုပ်နှံမည့်နေရာသို့ လမ်းလျှောက်သွား သည်ဆိုသော ပုံပြင်ဆန်ဆန် ရှေးစကားကို ဘိုး ဘွားများ ပြောပြချက်အရ ကြားဖူးခဲ့ပါသည်။

ရိုးရာပုံပြင်များမှ ဆင်းသက်လာသည့် အထူး အဆန်းများ

ယနေ့ခေတ်တွင် ကျယ်ပြောလှသော ကမ္ဘာ ကြီး၏ လူသူ ထိတွေ့မှုနည်းလှပြီး မြို့ပြယဉ်ကျေးမှု မရောက်သေးသည့် အရပ်များ၌ စုန်း၊ ကဝေ၊ မှော်၊ အောက်လမ်းအတတ်ပညာများကို ယုံယုံကြည်ကြည် လက်ခံကျင့်သုံးမှုများ ရှိနေသေးသလို ကမ္ဘာ့ဒေသ အသီးသီးရှိ ရိုးရာပုံပြင်(forklores)များတွင် သွေးစုပ် ဖုတ်ကောင်(vampires)များ၊ သမန်းကျား(မြန်မာ) နှင့် သမန်းဝံပုလွေ(Werewolf)(ဥရောပ)များ ထင် ထင်ရှားရှား လွှမ်းမိုးခဲ့ရာ ယနေ့ခေတ်တွင် သွေးစုပ် ဖုတ်ကောင်မျိုးနွယ် ကောင်လေးနှင့် သမန်းဝံပုလွေ မိန်းမပျိုလေးအကြား သံယောဇဉ်ကြီးစွာ ချစ်ကြိုက် မိသော ဇာတ်လမ်း(twilight story)မှာ အလွန်အောင် မြင်ပြီး လူကြိုက်များလှသော ရုပ်ရှင်ဇာတ်လမ်းတွဲ အဖြစ် ကမ္ဘာတစ်ဝန်း ကျော်ကြားလျက် ရှိပါသည်။ မင်းသားနှင့် မင်းသမီးလေးပင် ထိုဇာတ်လမ်းတွဲ ကြောင့် ထိပ်တန်း မင်းသား၊ မင်းသမီးများအဖြစ် ရောက်ရှိခဲ့၏။

အလားတူ နှင်းလူများ(bigfoots)၊ ရေသူမ များ(mermaids)၊ လူပုကလေးများ(dwarfs) နော်ဝေ၊ ဒိန်းမတ်ဒေသ တောတောင်များတွင် နေ သည့် တောင်ပူစာ ပမာဏကြီးမားသော ကိုယ် ကာယရှိပြီး ရက်စက်ကြမ်းကြုတ်လှသော်လည်း နေ ရောင်နှင့်ထိလျှင် ရေခဲတုံးအဖြစ် ပြောင်းသွားတတ် သော ထရိုး(Troll)ခေါ် လူ့ဘီလူးကြီးများ စသည်ဖြင့် ယုံရခက် မယုံရခက်ဖြစ်သော ရိုးရာပုံပြင်လာ သတ္တဝါ နှင့် ဖြစ်ရပ်ဆန်းများမှာ ပြောမကုန်အောင် များပြား လှပါသည်။

ထိုအရာများနှင့်ပတ်သက်၍ မဖြစ်နိုင်ဘူးဟု အပြတ်ဆိုရန်လည်း မသင့်အောင်ဆိုင်ရာဒေသခံ လူမျိုးများ ခိုင်ခိုင်မာမာ ပြောကြသည့် ကိုယ်တွေ့ ပုံပြင်များလည်း ရှိရကား ယနေ့ကာလ ရုပ်ရှင်ဗွီဒီယို ပန်းချီများတွင် အမြဲတွေ့နေရသော်လည့်း အပြင် လောကတွင် တကယ် မတွေ့နိုင်သော နဂါး၊ ဂဠုန်၊ ဘီလူး အစရှိသည့် အရာများနည်းတူ ပုံပြင်ဇာတ် ကြောင်း ရှိခဲ့သည့် အထူးအဆန်း ဖြစ်စဉ်များဟုသာ ယူဆရန်ရှိပါသည်။

လူသေကောင်များလမ်းလျှောက်သည့်သတင်း

မကြာသေးမီက အင်တာနက်တွင် ကမ္ဘာ တစ်ဝန်းလုံး လှုပ်လှုပ်ရှားရှား ဖြစ်သွားစေသည့် ဓာတ်ပုံနှင့် သတင်းတစ်ပုဒ် ပါလာခဲ့သည်။ ထိုဓာတ်ပုံ မှာ အင်ဒိုနီးရှားနိုင်ငံ ဆူလာဝေစီကျွန်းတွင် မှတ်တမ်း တင်ခဲ့သည့် ဓာတ်ပုံဖြစ်ပြီး ပုံမှာ လူသေအလောင်း ကောင်ကြီးက လမ်းပြဦးဆောင်သည့် အမျိုးသား နှင့် အမျိုးသမီးတစ်ဦး၏ အကူအညီဖြင့် မတ်တပ်ရပ် လမ်းလျှောက်လာသည့်ပုံ ဖြစ်၏။ “အင်ဒိုနီးရှားနိုင်ငံ တိုရာဂျာဒေသမှ အမှန်တကယ် လမ်းလျှောက်နေ သော လူသေကောင်ကြီး” “အင်ဒိုနီးရှားတွင် လမ်း ထလျှောက်လာသော အလောင်းကောင်ကြီး” စသည့် အမည်ဖြင့်လည်းကောင်း၊ “ဖုတ်ဝင်လာသည့် အ လောင်းကောင်” အမည်ဖြင့်လည်းကောင်း အင်တာ နက်တွင် သတင်းပြန့်ပွားသွားခဲ့သည်။

ထိုသတင်းသည် ကျယ်ကျယ်ပြန့်ပြန့် လူသိ များသွားခြဲ့ပီး လူသေများ အုတ်ဂူမှ နိုးထလာပြီ ဟုလည်းကောင်း၊ အင်ဒိုနီးရှားနိုင်ငံ၏ အောက်လမ်း ပညာရပ်ဖြင့် အလောင်းကောင်များကို ဖုတ်သွင်းကာ လမ်းလျှောက်စေသော ပုံများဟူ၍လည်းကောင်း၊ သဘာဝလွန်ဖြစ်ရပ်သတင်း(paranormal activities) အဖြစ်ဖော်ပြကြသည်။ ထိုဓာတ်ပုံမှာလည်း လူသေကောင် လမ်းလျှောက်လာနေသည့်နှယ် ယုံ စရာဖြစ်အောင် ပီပြင်လှသဖြင့် လူအများ ယုံကြည်ခဲ့ ကြသည်။ ဗွီဒီယိုပါတွဲလျက် ပါသေးသည်။

ဖြစ်ပေါ်လာသော သတင်းမှာ ထိုဒေသ၏ ဓလေ့အရ လူသေလျှင် မြေတွင်မြှုပ်နှံခြင်းမပြုသေးဘဲ သေချာစွာ စီမံထားသော အခေါင်းတွင် ထည့်သွင်း ကာ ထုံးကျောက်တောင်များ၏ နံရံတွင် ထွင်းထား သော ဂူများအတွင်းသို့ ထည့်သွင်းထားကြောင်း ၄င်းတို့၏ အယူအရ နံရံအမြင့်တွင် ထည့်သွင်းထား လေ့ရှိပြီး နှစ်အနည်းငယ် အကြာတွင် အခေါင်း များကို ပြန်လည်ထုတ်ယူပြီး အလောင်းကို သုတ်သင် သန့်ရှင်းပေးသည့် အခန်းအနားကို ကျင်းပကြောင်း သိရပါသည်။

ထိုအခန်းအနားမှာ အလောင်းများကို ခေါင်း မှထုတ်ကာ သုတ်သင်သန့်ရှင်း၍ အဝတ်အစားသစ် များ ဝတ်ဆင်ပေးကာ မြှုတ်နှံမည့်နေရာသို့ လမ်းပြ သူ တစ်ဦးကဦးဆောင်ကာခေါ်ယူသွားရကြောင်း၊ ခေါ်ယူသည့်လမ်းမှာ အကွေ့အကောက် နည်းသည့် လမ်းဖြောင့်ဖြောင့်မှ ခေါ်ယူပြီး ယာဉ်နှင့်လူ အသွား အလာနည်းသည့်လမ်းမှ ခေါ်ယူရကြောင်း၊ လမ်းတွင် တွေ့သူက လမ်းလျှောက်လာသည့် လူသေအလောင်း ကို တို့ထိခြင်း၊ စကားပြောခြင်း မပြုရကြောင်း၊ ထိုသို့ သွားရောက် နှောင့်ယှက်ပါက လူသေအလောင်း သည် လဲပြိုကျမည်ဖြစ်ကြောင်း တင်ပြထားသဖြင့် အံ့ဩမဆုံး ဖြစ်ရပါသည်။

တိုရာဂျာလူမျိုးစု

တိုရာဂျာ လူမျိုးစုသည် အင်ဒိုနီးရှားနိုင်ငံ ဆူလာဝေစီကျွန်း တောင်ဘက်ပိုင်း တောင်ထူထပ် သောဒေသတွင် နေထိုင်သည့် ဒေသခံတိုင်းရင်းသား မျိုးစုဖြစ်ပြီး စုစုပေါင်း လူဦးရေ ၁၁çဝ၀çဝ၀ဝ ခန့် ရှိပါသည်။ လူဦးရေ၏ တစ်ဝက်နီးပါးခန့်သည် တာရာတိုရာဂျာ ခေါ်သည့် တိုရာဂျာကုန်းမြေတွင် အခြေချ နေထိုင်ကြသည်။ တိုရာဂျာ အများစုမှာ ခရစ်ယာန်ဘာသာကိုးကွယ်ကြပြီး ကျန်အနည်းငယ် မှာ မူဆလင်နှင့် ရှေးဘိုးဘွားဘီဘင် အစွဲအတိုင်း သစ်ပင်၊ နေ၊ လ အစရှိသောအရာများကို ကိုးကွယ် သူများ ဖြစ်ကြသည်။ အစိုးရက ထိုကိုးကွယ်မှုကို ဘိုးဘွားတို့၏ အစဉ်အလာကိုးကွယ်သည့် ဘာသာ အဖြစ် အသိအမှတ်ပြုထားရသည်။

သေသူအပေါ်ထား ရှိသည့်သဘောထား

အဆိုပါလူမျိုးများသည် သေသူကို အလွန် ဂရုစိုက်ပြီး အချို့သူများသည် သေသူကိုစွန့်ပစ်ခြင်း မရှိဘဲ ဆေးစိမ်ကာ အိမ်တွင် အတူနေကြကြောင်း၊ သေသူ စိတ်မကောင်းမည် စိုးသဖြင့် အခန်းကောင်း တွင် မီးရောင်ထွန်း၍ ထားသည့်အပြင် နေ့စဉ် စား သောက်ဖွယ်ရာများ ပြင်ပေးခြင်းကအစ ပါးစပ်တွင် စီးကရက်တပ်ပေးခြင်း စသဖြင့် ဂရုတစိုက် စောင့် ရှောက်ကြောင်း၊ အချို့မှာ အညစ်အကြေးစွန့်ရန် အိုးများပင် အခန်းထောင့်တွင် ချထားပေးကြ ကြောင်း၊ မိသားစုဝင်များက သေသူကို သေသည်ဟု သဘောမထားဘဲ နာမကျန်း ဖြစ်နေသည်ဟုသာ သဘောထားကြောင်း၊ ၄င်းဒေသကို သွားရောက် လေ့လာသည့် သတင်းသမားများက ဖော်ပြကြပါ သည်။

ဖြစ်ရပ်မှန် မဟုတ်ဟု ဝေဖန်ကြသည်

ထိုဖြစ်ရပ်ကို စိတ်ဝင်စားသူ များပြားလာရာ မယုံနိုင်စရာများ ပါရှိနေသဖြင့် လေ့လာဆန်းစစ်သူ များက ထိုဓာတ်ပုံများနှင့် ဗွီဒီယိုမှတ်တမ်းကို အသေး စိတ် ပြန်လည်လေ့လာပြီး တိုရာဂျာလူမျိုးစုတွင် ထူးဆန်းသော အသုဘအခန်းအနား ဓလေ့ရှိသည် မှာမှန်ကြောင်း လက်ခံကြပါသည်။ အင်တာနက်တွင် ပြန့်နှံ့ခဲ့သော ပုံနှင့် ဗွီဒီယိုမှာ ထိုအခန်းအနား တစ်ခုမှ ရိုက်ကူးခဲ့သည့်ပုံ ဖြစ်ကြောင်း၊ သို့ရာတွင် လူ၏ ဖေးမမှု အကူအညီဖြင့် အလောင်းကောင်များကို သန့်ရှင်းရေးလုပ်ခြင်း၊ အဝတ်အစားဆင်ယင်ပေး ခြင်းသာဖြစ်ပြီး လူသေ အလောင်းကောင်များက ၄င်းတို့၏ အလိုအလျှောက် မြှုပ်နှံမည့်နေရာသို့ လမ်း လျှောက်သွားသည် ဆိုသည့် အချက်မှာ မှန်ကန်မှုမရှိ နိုင်ကြောင်း၊ အဆိုပါ သတင်းဓာတ်ပုံနှင့်အတူ ပြန့်နှံ့ ခဲ့သော ဗွီဒီယိုမှာ ပြတ်ပြတ်သားသား ပေါ်လွင်ခြင်း မရှိဘဲ လှုပ်ယမ်းနေသော ကင်မရာဖြင့်ရိုက်ထား သဖြင့် မြင်ကွင်းဝါး၍ မျက်စိကို မူးနောက်စေကြောင်း ဝေဖန်ပြောကြားသည်ကို တွေ့ရပါသည်။

အကောင်းအဆိုး

တိုရာဂျာတို့၏ဓလေ့တွင် သေသူကို လေးစား တန်ဖိုးထားခြင်း၊ ငွေရှာဖွေ စုဆောင်းကာ သေသူ အတွက် ကောင်းမွန်အောင်ဆောင်ရွက်လိုခြင်း၊ မိမိ အိမ်သူအိမ်သား သေဆုံးသည်ကို မကြောက်မရွံ့ ရွံရှာ စက်ဆုပ်မှု လုံးဝမရှိဘဲ အမြတ်တနိုး ဆက်ဆံ ခြင်းတို့မှာ ချီးကျူးဖွယ်ကောင်းသော စိတ်ထားဖြစ် သည်ကို တွေ့ရ၏။ သို့သော် သဘာဝ မကျသော အပြုအမူနှင့် အယူအစွဲကြီးခြင်း၊ ဆေးပညာအရ လူသေအလောင်းများတွင် ရှင်သန်နိုင်သော ကြောက် စရာ ကောင်းသည့် ကူးစက်ရောဂါပိုးမွှားများသည် လူသေ အလောင်းများနှင့် နီးနီးစပ်စပ်နေထိုင်သူ များကို ကူးစက်လာနိုင်သည့်အတွက် ကျန်းမာရေး ရှုထောင့်အရ မကောင်းကြောင်းတင်ပြလိုက်ပါသည်။

(ဗွီဒီယို ကြည့်ရှုလေ့လာ လိုပါက – walking corpses of Toraja… ဟု အင်တာနက် ယူကျု(U-tube, search)တွင် ရှာဖွေပါက ဗွီဒီယို ကားအပိုင်း ၁၀ ခုခန့် ဆက်စပ်ပေါ်လာမည် ဖြစ်ပြီး ရွေးချယ်ကြည့်ရှုနိုင်င်ပါသည်)

ဇေယျမင်းမင်းဝင်း

Comments

comments

Post Author: manawmaya