အိမ်ထောင်ဖက်ကောင်း ရွေးစေကြောင်း

 

ဤလောကတွင် အိမ်ထောင်ပြုကြပြီးသည့်  နောက် အဆင်ပြေချမ်းမြေ့သော မိသားစုများရှိသလို စလယ်ဝင် ဖင်မမည်းခင်က ကွဲကြလေသည်ဆိုသော အိမ်ထောင်ဖက်များလည်း ရှိကြလေသည်။

ရှေးဖူးစာကံ အရင်းခံသလို ဤဘဝတွင် လောကီပညာအရ အိမ်ထောင်ဖက်ရွေးသင့်သူ၊ ရှောင်သင့်သူတို့ကိုလည်း ရှေးဆရာတို့က တွက်စစ် လမ်းညွှန်ခဲ့ကြလေသည်။

မြန်မာတို့၏ အစဉ်အလာအရ အိမ်ထောင် ဖက်ပြုသင့်သော မိတ်ဖက်နေ့များကို ဥသာ-စိန်ပန်း -ဒါန်းလှ-ကိုရှာ ဟု တိုက်စစ်ကြသည်။ ထိုမိတ်ဖက် များမှာ အိမ်ထောင်မိတ်များ ဖြစ်ကြလေသည်။

တနင်္ဂနွေနှင့် သောကြာ၊

အင်္ဂါနှင့် ကြာသပတေး၊

စနေနှင့် ဗုဒ္ဓဟူး၊

တနင်္လာနှင့် ရာဟုတို့ ဖြစ်ကြပါသည်။

အောင်ပ-ကုလား-ဆွေသား-တော်ရင်း စ သော အပြင်မိတ်(ရိုးရိုးမိတ်)များမှာလည်း အိမ်ထောင် ဖက်အဖြစ် ရွေးချယ်နိုင်သည်ဟု ဆုံးဖြတ်ကြပါသည်။

တနင်္ဂနွေနှင့် ကြာသပတေး၊

တနင်္လာနှင့် ဗုဒ္ဓဟူး၊

အင်္ဂါနှင့် သောကြာ၊

စနေနှင့် ရာဟု တို့ ဖြစ်ကြပါသည်။

ရန်ဖက်များကိုမူ ဓမ္မာ-သောက-အင်းဝ- ရာဇာ (အိမ်ထောင်ရန်/အတွင်းရန်) နှင့် ဦးညို-ခေမာ-သုတ-ဝေရီ (ရိုးရိုးရန်/အပြင်ရန်) ဟု မှတ် သားကြပြီး အိမ်ထောင်ဖက်ရန် မသင့်ဟု ဆုံးဖြတ် ကြပါသည်။ ゞင်းတို့မှာ –

စနေနှင့် ကြာသပတေး၊

သောကြာနှင့် တနင်္လာ၊

တနင်္ဂနွေနှင့် ဗုဒ္ဓဟူး၊

ရာဟုနှင့် အင်္ဂါ တို့ ဖြစ်ကြပါသည်။

တနင်္ဂနွေနှင့် အင်္ဂါ၊

တနင်္လာနှင့် ကြာသပတေး၊

သောကြာနှင့် စနေ၊

ဗုဒ္ဓဟူးနှင့် ရာဟု တို့ ဖြစ်ကြပါသည်။

ထိုသို့လျှင် နေ့နံချင်းမတူသော အတွဲများ အတွက် ရန်ဖက်မိတ်ဖက်များကို တွက်စစ်လေ့ရှိသ လို နေ့နံတူတူချင်း အိမ်ထောင်ဖက်လျှင်လည်း ပေါ် ပေါက်လာနိုင်သော ကောင်းကျိုးဆိုးပြစ်များကို ရှေး ဆရာတို့က နောင်လာနောက်သားတို့အတွက် ထား ရစ်ခဲ့ပါသေးသည်။

အိုးအင်ဖက်က ကောင်းတတ်စွ ဟူသည့် အတိုင်း တနင်္ဂနွေချင်း အိမ်ထောင်ပြုလျှင် ကောင်း ပါသည်။

ကြာကြာချောချော စပါးပေါ ဟူသည့်အ တိုင်း တနင်္လာချင်း အိမ်ထောင်ပြုလျှင် စပါးဆန်ရေ စီးပွားဥစ္စာ ပေါများပါမည်။

စောစောရှောင်လေ မယားသေ ဟူသည့်အ တိုင်း အင်္ဂါချင်း အိမ်ထောင်ပြုလျှင် ကျန်းမာရေး ထိခိုက်တတ်ပါသည်။

ဝါဝါဝင်းဝင်း ပူရှိန်ပြင်း ဟူသည့်အတိုင်း ဗုဒ္ဓဟူးချင်း အိမ်ထောင်ပြုလျှင် အိမ်ထောင်ရေး ပူ ဆူတတ်ပါသည်။

သာသာဖက်က ကောင်းလေစွ ဟူသည့်အ တိုင်း သောကြာချင်း အိမ်ထောင်ပြုလျှင် သာယာ ချမ်းမြေ့ပါမည်။

ထထထူထူ အိုးသို့ဆူ ဟူသည့်အတိုင်း စနေချင်း အိမ်ထောင်ပြုလျှင် အိမ်ထောင်ရေး ပူပူ ဆူဆူ ရှိတတ်ပါသည်။

ထို့အပြင် ရှေးမြန်မာတို့သည် နက္ခတ်ချင်း တည့်မတည့်ကိုလည်း တွက်စစ်တတ်ပေသေးသည်။

မြန်မာသက္ကရာဇ်ကိုတည်ပြီး ၃ ဖြင့် စားရပါ သည်။

၁ ကြွင်းလျှင် နတ်နက္ခတ်၊

၂ ကြွင်းလျှင် လူနက္ခတ်၊

၃ ကြွင်းလျှင် ဘီလူးနက္ခတ်၊

လူ+လူ ပေါင်းဖက်လျှင် တစ်ဦးနှင့်တစ်ဦး အချစ်ပိုကြလိမ့်မည်။

လူ+နတ် ပေါင်းဖက်လျှင် တစ်ဦးနှင့်တစ်ဦး စာနာဖေးမ၍ အေးမြလိမ့်မည်။

လူ+ဘီလူး ပေါင်းဖက်လျှင် နားလည်မှု မကြာမကြာ လွဲမှားတတ်ကြလိမ့်မည်။

နတ်+နတ် ပေါင်းဖက်လျှင် အိုအောင်မင်း အောင် အိမ်ထောင်ဖက် ရှည်ကြာခိုင်မြဲလိမ့်မည်။

နတ်+ဘီလူး ပေါင်းဖက်လျှင် စီးပွား အထူး တိုးတက်မည်။

ဘီလူး+ဘီလူး ပေါင်းဖက်လျှင် ကောင်းလိုက် ဆိုးလိုက် ဖြစ်နေမည်။

ဤသည်တို့သည်ကား မြန်မာတို့၏ အစဉ် အလာ လူကြီးသူမတို့ တိုက်စစ်လေ့ရှိသော အိမ် ထောင်ဖက်ရွေးနည်းများ ဖြစ်ပေတော့သတည်း။

 

ဇေယျာနွယ်

Comments

comments

Post Author: manawmaya