ခရီးသွားခါနီးမှာ ဒါမျိုးတွေလုပ်သွားပါ

ရှေးလူကြီးများသည် ခရီးတစ်စုံတရာသွားခါနီး၌ ကံကောင်းအောင်၊ အတိတ်နိမိတ်ကောင်းအောင်၊ အန္တရာယ်မကျရောက်အောင် ဟိုဟာလေးလုပ် သွားပါ၊ ဒီဟာ လေးလုပ်သွားပါဟူ၍ မှာကြားလေ့ ရှိကြပေ၏။

ရှေးထုံးကိုမပယ်နှင့်ဟူသော စကားအတိုင်း မည်သည့်နေ့သားမဆို ခရီးသွား ခါနီး၌ ပြုမူသွားသင့်သော နည်းစနစ်လေးများမှာ အောက်ပါအတိုင်း ဖြစ်ပါတော့၏။

တနင်္ဂနွေနေ့တွင် ခရီးသွားပါက လက်ကိုနံ့သားရည်သုတ်လိမ်း၍သွားပါ။

တနင်္လာနေ့တွင် ခရီးသွားပါက သစ်ပင်ကြီးကို ကန်တော့၍သွားပါ။

အင်္ဂါနေ့တွင် ခရီးသွားပါက ဆောင့်ကြောင်ထိုင်ပြီးမှ ထ၍သွားပါ။

ဗုဒ္ဓဟူးနေ့တွင် ခရီးသွားပါက လက်ကို ထုံးသုတ်၍ သွားပါ။

ကြာသပတေးနေ့တွင် ခရီးသွားပါက အရှေ့အရပ်ကို မျက်နှာမူ၍နေမင်းကို ကန်တော့ပြီးမှသွားပါ။

သောကြာနေ့တွင် ခရီးသွားပါက တစ်စုံတခုကိုအကြောင်းပြု၍ နောက်ပြန် ကြည့်ပြီး ဟစ်အော်၍ သွားပါ။

စနေနေ့တွင် ခရီးသွားပါက နတ်ပြည်ရှိ စူဠာမုနိဘုရားကို အာရုံပြုပြီး ရှိခိုး၍ သွားပါ။

 

ဟိန်းထက်ဇေယျာ (အယူတော်မင်္ဂလာ)

(မော်လမြိုင်)

Comments

comments

Post Author: manawmaya