ဗြိတိသျှအင်္ဂလိပ်ခေတ်က မြန်မာပြည်၌ ကောင်းကင်ပျံကြွ တန်ခိုးပြခဲ့တဲ့ ဘုန်းကြီး

ထိုပုဂ္ဂိုလ်ကား တခြားမဟုတ်၊ ကျောက်ဆည်မှ ရဟန္တာမထေရ်ကျော် – ဝေဘူဆရာတော် ဒုတိယကမ္ဘာစစ်ကာလ မတိုင်မှီက ဖြစ်ရပ်ပါ။ ကျောက်ဆည် ဝေဘူချောင် အနေအထားက တောင်ဘက်၊ အရှေ့ဘက်၊ မြောက်ဘက်တို့မှာ တောင်တန်းတွေ အနိမ့်အမြင့် တောက်လျှောက် တံတိုင်းလိုပဲ သွယ်တန်းနေတာပေါ့။

ဆရာတော်က နံနက်တကြိမ်၊ ညတကြိမ် တန်ခိုးနဲ့ ဈာဉ်ပျံပြီး တောင်ရိုးတလျှောက်ရှိ စေတီများကို မီးပူဇော်လေ့ရှိတယ်။ ရံဖန်ရံခါ တစ်တောင်နဲ့ တစ်တောင် ကူးရာမှာ မီးလုံးကြီး၊ ရွှေရောင်အလုံးကြီး အဖြစ်၎င်း၊ ကိုယ်တော်တိုင် အရောင်အဝါ ထွန်းလင်းတောက်ပစွာ ကူးသန်း၍လည်းကောင်း မီးပူဇော်ခဲ့တာပါတဲ့။

ဘုရားရင်ပြင်တော်ရောက်ပြီး ဦးတစ်ခါချရင်၊ စေတီ သပိတ်မှောက်အထက် ဖောင်းရစ်-နှစ်ရစ်ခန့် လျှပ်စစ်မီး ပွင့်သကဲ့သို့ တပြိုင်နက် တချက်တည်း တခွင်လုံး လင်းသွားတယ်။ သုံးကြိမ်ဦးချလို့ ပြည့်ရင်တော့ ထီးတော်အထိ စေတီတော်အပေါ်ပိုင်း အားလုံး လင်းသွားတယ်တဲ့။ အနောက်တောင်ဘက်ရှိ အမြင့်ဆုံး ရွှေသာလျောင်းတောင်မှ အနောက်မြောက်ဘက်ရှိ မင်းမွေး တောင်များသို့ ကူးသန်းပူဇော်တဲ့အခါ အသားတော်ရော၊ သင်္ကန်းအရောင်ပါ ရွှေရောင်တွေ ဝင်းဝင်းတောက်နေ၍ ဆရာတော်ကြီးအား ဖူးမြော်ကြည်ညို လို့ အကောင်းဆုံးပါ။

ဆရာတော်ကြီးက “ဣဒ္ဓိဝိဓ” ကို ပွင့်ပွင့်လင်းလင်း သုံးစွဲသည် ထင်ပါတယ်။ စတင်တွေ့တာက နံနက်စောစော အိပ်ယာထ လုပ်ငန်းခွင်ဝင်ကြရသော မိလ္လာသိမ်းကုလားတွေ၊ နွားနို့ရောင်း ကုလားတွေ။ သူတို့က ဒီတောင်ပေါ်မှာ ဗမာဘုန်းကြီး လူစွမ်းကောင်း ရှိတယ် ပြောကြလို့၊ တဆင့်စကား တဆင့်နား ဆိုသလို၊ ထိုခေတ်က လူအတော်များများ ဖူးတွေ့ကြရတယ်။ နေဝင်ရင် တန်ခိုးတော် ဖူးရအောင်ဟု ဆိုကာ ဝေဘူတောင် ကျားလျှာတော၊ တောင်ကြို တောင်ကြားတွေမှာ လူ ၃၀၀ ခန့်လောက် ရှိနေတတ်တယ်တဲ့။ မဖူးမမြင်ကြရသူ မရှိသလောက်ပါပဲ။

အင်္ဂလိပ်အစိုးရခေတ်ဆိုတော့ ဆရာတော် အဖမ်းခံရမှာစိုးလို့ ကျောင်းဒကာ၊ ဒကာမ၊ ဥပသကာတွေက လိုက်လံ ပိတ်ပင်ရှာတယ်။ နောက်ပိုင်း ကာလတွေမှာ ဆရာတော်ကိုယ်တိုင်ကလည်း ဖုံးအုပ်ထားတော်မူသဖြင့် “ဝေဘူဆရာတော် ဈာဉ်ပျံသတဲ့၊ ချွတ်ကရား လေးများ မြင်သတဲ့” ဟူသော ကောလဟာလ နှင့် အဝေးပရိတ်သတ်များ မျက်ခြည်ပြတ်သွားခဲ့တာပေါ့။

ဖြစ်ရပ်မှန် တခုကိုပြောရရင် ၁၂၉၃ ခုနှစ်၊ တန်ဆောင် မုန်းလတုန်းက အင်းဝ – တံတားဦးမြို့ အိမ်သစ်တန်းမှ ဦးဘတုတ်နဲ့ တူမများဖြစ်တဲ့ မစက်၊ မလှလှတို့ ဆရာဘတော်ရဲ့ ဝေဘူချောင်ကို ဥပုသ်ရက်ရှည်စောင့်ဖို့ ရောက်လာကြရော။

တစ်ညမှာ ဦးဘတုတ်က ဆရာတော်အား ဝတ်ဖြည့်(နှိပ်) ပေးနေတာပေါ့။ မစက်နဲ့ မလှလှတို့က ည(၉)နာရီအချိန် အပြင်တနေရာက တောင်တန်းတွေကို ရှုမြင်လိုက်တော့ တစ်တောင်မှ တစ်တောင်သို့ ဈာဉ်ပျံပြီး မီးပူဇော်နေတဲ့ ဆရာတော်ကြီးကို ဖူးတွေ့လိုက်ရပါတယ်တဲ့။

ခဏကြာတော့ ဦးဘတုတ် ရောက်လာတယ်။

“ဦးတုတ် ဘယ်သွားနေတာလဲ၊ တူမတွေအားလုံးတန်ခိုးတော်ကို ဖူးရတယ်” မလှလှက ပြောရာ၊

ဦးဘတုတ်က “ဘယ်တုန်းကလဲ” ။

“ခု မိနစ်ပိုင်းကလေးပဲ မရှိတော့ဘူး၊ မီးပူဇော်တာ တစ်နာရီနီးပါး ကြာတယ်”

“ဟေ  ဟုတ်လား၊ ဆရာတော်လည်း ကျောင်းလေးပေါ်မှာ ရှိနေသားပဲဟ၊ ဦးလေးလည်း တစ်နာရီကျော်ကြာ ဝတ်ဖြည့်ပြီးမှ အခုလာတာပဲ” ဟု ပြောရင်း၊ ခဏတာ စဉ်းစားပြီး “အေး  ငါထင်သားပဲ၊ နင်တို့ပြောလို့ ပြောရအုံးမယ်။ ငါ ဝတ်ဖြည့်နေရင်းဆရာတော် အသားတွေဟာ အိအိပြောင်းပြောင်းရှိရာကနေ ကြာလာတော့ တခါတခါ မာတောင့်တောင့်ကြီးဖြစ်သွားတာ ထူးပါတယ် အောက်မေ့နေတာ ဒါကြောင့်ကိုး”  ဟု ပြောဆို နှီးနှောကြလေတော့တယ်။

မှတ်ချက် –

( ဦးဘတုတ်မှာ တံတားဦးမြို့၌ ကွယ်လွန်ပြီး၊ ဒေါ်စက်ေ ဒ်ါလှလှတို့မှာ ဝေဘူချောင် ဒေါ်ပြုံး – ဇရပ်၌ နေထိုင်သွားပါကြောင်း။ သူ့တို့၏ မျိုးဆက်များ ကျန်ရှိနေသေး )

အကိုးအကားသ န္ဒိဌိက တရားတော်များ – ရွှေဘိုအောင်မြေ ရိပ်သာ။ရ ဟန္တာနှင့် ပုဂ္ဂိုလ်ထူးများ – ဓမ္မာစရိယ ဦးဌေးလှိုင်။

ပြန်လည်ပေါင်းစည်း ဖော်ထုတ်သူ – #James

Credit

Comments

comments

Post Author: manawmaya