လာဘ်လာဘတွေ ပေါများရပါလို၏ …

 

ရှင်သီဝလိကို ကိုးကွယ်ပူဇော်လျှင် အရောင်းအ၀ယ်ကောင်းတယ်၊ လာဘ်လာဘပေါများတယ်လို့ ဗုဒ္ဓဘာသာဝင်တွေက ယုံကြည်ကြပါတယ်။ ရှင်သီဝလိဟာ လာဘ်လာဘဖွံ့ဖြိုးတဲ့ ရဟန္တာတစ်ပါးဖြစ်တယ်လို့ သိထားကြတဲ့အားလျော်စွာ ရှင်သီဝလိ တောင်းခဲ့တဲ့ ဆု၊ ပြုခဲ့တဲ့ ကုသိုလ်တွေနဲ့အတူ ကျူးလွန်ခဲ့တဲ့အပြစ်၊ စံစားခဲ့ရတဲ့အကျိုး၊ ခံစားခဲ့ရတဲ့ ပြစ်ဒဏ်တွေကိုလည်း အပြည့်အစုံ သိထားဖို့ လိုတယ်လို့ ယူဆပြီး ရှင်သီဝလိအကြောင်း ရှာဖွေ တင်ဆက်လိုက်ပါတယ်။

 

ရှင်သီဝလိ ပြုခဲ့တဲ့ ကုသိုလ်

——————————

ရှင်သီဝလိကိုယ်တော်မြတ်ဟာ ၀ိပဿီမြတ်စွာဘုရားလက်ထက်ရောက်တဲ့အခါတုန်းက ဇနပုဒ်တစ်ခုမှာ အညတရ တောသားတစ်ဦး ဖြစ်ခဲ့ပါတယ်။ အဲဒီနားမှာ ရှိတဲ့ ဗန္ဓုမတီမြို့သူမြို့သားတွေဟာ ဗန္ဓုမတီမင်းကြီးနဲ့ သူနိုင်ငါနိုင် အပြိုင်ကြဲပြီး ဒါနပွဲတွေ ဆင်နွှဲနေကြချိန်ဖြစ်ပါတယ်။

ဘုရင်ကြီးကလည်း ပြည်သူတွေကို နိုင်အောင် မလုပ်နိုင်သလို ပြည်သူတွေကလည်း ဘုရင်ကြီးထက် သာအောင် မလုပ်နိုင်ဘဲ အားပြိုင်နေတဲ့အခိုက်အတန့်ဖြစ်ပါတယ်။

အဲဒီအခါ ခုနစ်ကြိမ်မြောက် ဒါနပြိုင်ပွဲမှာ ပြည်သူတွေက ဘုရင်မင်းမြတ်ရဲ့အလှူထက်သာအောင် လောလောလတ်လတ် ပျားရည်နဲ့ နွားနို့ခဲ ထည့်ပြီး လှူရင် ဘုရင်ကြီးကို နိုင်နိုင်ချေရှိတယ်လို့ ယူဆပြီး အဲဒီပစ္စည်းနှစ်မျိုးကို ၀ယ်ဖို့ လာရောင်းမယ့်ကုန်သည်ကို လမ်းဆုံလမ်းခွကနေ စောင့်နေကြသတဲ့။

အဲဒီအချိန်မှာ တောကနေ မြို့ကိုတက်လာတဲ့ ရှင်သီဝလိကိုယ်တော်အလောင်းအလျာက အဲဒီပစ္စည်းနှစ်မျိုးကို ယူလာတဲ့အခါ ဗန္ဓုမတီပြည်သူပြည်သားတွေက တစ်ကျပ်ပေးပြီး ၀ယ်ယူကြပါတယ်။

အဲဒီခေတ်ကပေါက်ဈေးအရ တစ်ကျပ်မတန်တဲ့ပစ္စည်းကို တစ်ကျပ်ပေးပြီး ၀ယ်ကြတယ်ဆိုတော့ ရှင်သီဝလိလောင်းလျာ လုလင်က အထူးအဆန်းဖြစ်ပြီး မရောင်းဘဲ ဈေးကိုင်ထားလိုက်ပါတယ်။

အဲဒါနဲ့ မြို့သူမြို့သားတွေဟာ တဖြည်းဖြည်း ဈေးတိုးတိုးပေးရင်းနဲ့ အသပြာ တစ်ထောင်အထိ မြင့်သွားပါတော့တယ်။

ဒါပေမဲ့ သူက မြတ်စွာဘုရားကို လှူဖို့ ၀ယ်တာဆိုရင်တော့ အသပြာနဲ့ မရောင်းလိုဘဲ သူကိုယ်တိုင် အခမဲ့ ကုသိုလ်ပါဝင်လှူဒါန်းပါမယ်ဆိုပြီး ပြောလိုက်တဲ့အတွက် အားလုံးက သဘောတူလက်ခံပြီး ရွှင်ရွှင်ပျပျ လှူဒါန်းလိုက်ကြပါတယ်။

လှူပြီးတဲ့အခါ သူက လာဘ်လာဘတွေ ပေါးများရပါလို၏ လို့ ဆုတောင်းရာ ၀ိပဿီမြတ်စွာဘု၇ားက သင်တောင်းသည့်ဆုအတိုင်း ဖြစ်စေသတည်းလို့ မိန့်ကြားတော်မူလိုက်ပါတယ်။

 

ဤဒါနနှင့် ဤဆုတောင်းကြောင့် ဖြစ်လေရာဘ၀ အကျိုးပေးကောင်းမွန်ပြီး
ဂေါတမမြတ်စွာဘုရား လက်ထက်တွင် လာဘ်ပေါများသည့်အရာ၌
သူမတူအောင် အကျိုးပေး ကောင်းမွန်သည့် ဧတဒဂ်ဘွဲ့ရ ရှင်သီဝလိ ဖြစ်ခဲ့ရပါတယ်။

ဒါပေမဲ့

ရှင်သီဝလိဖြစ်မယ့် နောက်ဆုံးဘ၀တွင် အမိဝမ်းတွင်း၌ ၇-နှစ်ကြာမျှ
ဝဋ်ဒုက္ခ ခံစားရခြင်း၊ ဖွားမြင်သောအခါမှာလည်း အမိ၏ ယောနိဝတွင်
ကန့်လန့်ခံ ပိတ်ဆို့၍ ၇-ရက်ကြာမျှ ဒုက္ခကြီးစွာ ရောက်ရခြင်းတို့နဲ့ ကြုံခဲ့ရပါတယ်။

အဲဒါတွေက ဆိုးကျိုး ဆိုးပြစ်အကြောင်းကတော့

တစ်ခုသောအတိတ်ဘ၀က သီဝလိနှင့် မယ်တော် သုပ္ပ၀ါသာတို့မှာ
ဗာရာဏသီမင်း၏ မိဖုရားကြီးနှင့် သားတော်ဖြစ်ခဲ့ကြပါတယ်။
တချိန်တွင် ကောသလမင်းက စစ်တပ်အလုံးအရင်းဖြင့် ဗာရာဏသီမင်းကို
တိုက်ခိုက်လုပ်ကြံ၍ ထိုမင်း၏ မိဖုရားကြီးကို သိမ်းပိုက်ယူငင်လိုက်ပါတယ်။
ဗာရာဏသီမင်း၏ သားသည် သူ၏ဖခင် ဗာရာဏသီမင်းကြီး စစ်ရှုံးပြီး
နတ်ရွာစံသောအခါ ရေထုတ်ပြွန်ပေါက်မှ တိတ်တဆိတ် ထွက်ပြေးပြီးလျှင်
ဗိုလ်ပါအလုံးအရင်းကို စုရုံးလျက် ဗာရာဏသီမြို့ကို ပြန်လည်တိုက်ခိုက်ပြန်ပါတော့တယ်
အတွင်းရှိ မယ်တော်ကြီးက မြို့ကို ၀ိုင်းထားရန် အကြံပေးတော့
မယ်တော်ကြီး အကြံပေးသည့်အတိုင်း သားဖြစ်သူက မြို့တံခါးမကြီး
လေးပေါက်တို့ကို အ၀င်အထွက်မရှိ ပိတ်ဆို့ထားရာ ၇-နှစ်မျှ ကြာသွားပါတယ်။

မည်သို့မျှ အကြောင်းမထူး၍ မယ်တော်ကြီးထံ ထပ်မံ၍ အကြံဉာဏ်တောင်းခံရာ
အတွင်းနေ မယ်တော်ကြီးက တံခါးငယ် (မလွယ်ပေါက်) ပါ မကျန် အားလုံး
ပိတ်ဆို့ ၀န်းရံထားရမည်ဟု အကြံပေးပြန်ပါတယ်။ မယ်တော်ကြီး အကြံပေးတဲ့အတိုင်း
အတိုင်း ၀င်ပေါက်ထွက်ပေါက် မရှိအောင် (၀င်မရ ထွက်မရအောင်) ပိတ်ဆို့
ဝန်းရံထားလေရာ မြို့သူမြို့သားတွေမှာ အစာရေစာအတွက် ဒုက္ခရောက်ပြီး
အနေကျပ်သောကြောင့် ကောသလမင်း၏ ဦးခေါင်းကို ဖြတ်၍ သီဝလိအလောင်း ဗာရာဏသီမင်းသားအား ဆက်သပြီး ထီးနန်းကို ထိုးအပ်ရပါတော့တယ်။
ဤမကောင်းမှု အကုသိုလ်ကံကြောင့် ကိုယ်တိုင်ကျူးလွန်သူ
ဗာရဏသီမင်းသားမှာ ငရဲ၌ ခံရပြီးနောက် ရှင်သီဝလိအလောင်းအလျာ ဖြစ်လာပါတယ်။

 

ရှင်သီဝလိ ဖွားရာဒေသမှာ ကုဏ္ဍိကာမြို့ ဖြစ်ပါတယ်။
ရှင်သီဝလိ၏ မျိုးရိုးမှာ ကောလိယမင်းမျိုး ဖြစ်ပါတယ်
ဖခင်၏အမည်ကို ကျမ်းဂန်တို့၌ သီခြားမပြပါ။
ကောလိယမင်းသား-တပါးဟုသာ သာမန်ပြဆိုထားပါတယ်။
မယ်တော်၏အမည်ကိုမူသုပ္ပ၀ါသာ-ဟု သီးခြားပြဆိုထားပါတယ်။
သုပ္ပ၀ါသာသည်လည်း ဆွေကြီးမျိုးကောင်း ကောလိယဘုရင်တပါး၏
သမီးတော်ဖြစ်သည်။ အလွန်သဒ္ဓါတရား ကောင်း၏။ ဖွယ်ဖွယ်ရာရာ
မွန်မွန်မြတ်မြတ် လှူတတ်သောသဘောရှိ၏။
ထို့ကြောင့် ဂေါတမမြတ်စွာဘုရား၏ သာသနာတွင် မွန်မွန့်မြတ်မြတ်
ပေးလှူတတ်သောအရာ ဧတဒဂ်ဘွဲ့ ချီးမြှင့်ခံရသူ ဖြစ်သည်။

မြတ်စွာဘုရားနှင့် သံဃာတော်များအတွက် ခဲဘွယ်ဘောဇဉ်နှင့်
ဆေးဝါးဓာတ်စာများကို သင့်လျော်အောင် စီမံ၍ ကိုယ်တိုင်ကိုယ်ကျ
လှူဒါန်းလေ့ရှိသည်။ နေ့စဉ်နေ့တိုင်း သံဃာတော် ၁၀၈-ပါးကို နိစ္စဘတ်
ဆွမ်းလောင်းလှူလေ့ ရှိသည်။ ဆွမ်းခံကြွလာသော ဘိက္ခုဖြစ်စေ၊
ဘိက္ခုနီဖြစ်စေ အချည်းနှီး ပြန်မသွားရ။ ကန်တော့ဆွမ်း မလောင်း။
အကယ်၍ ဆွမ်းနှင့် ဆွမ်းဟင်း ကုန်သွားသော် အခြားစားဖွယ်
တမျိုးမျိုးကို လောင်းလှူလေ့ရှိသည်။ လှူသည့်အခါမှာလည်း
ဖြစ်ကတတ်ဆန်း မလှူ။ မွန်မွန်မြတ်မြတ် ရိုရိုသေသေ လှူတတ်သည်။
ဒါနနှင့် ပျော်မွေ့သူဖြစ်ပါတယ်။

ဤမျှ သဒ္ဓါတရားကောင်းပြီး ရတနာသုံးပါးကို ရိုသေကိုင်းရှိုင်းသူ ဖြစ်ပါလျက်
ကိုယ်ဝန်သန္ဓေကို ခုနစ်နှစ်ကြာမျှ လွယ်ထားရသည်မှာ
သနားဖို့ပင် ကောင်းတော့သည်။
အဖြေကား မြို့ကို ၀န်းရံပိတ်ဆို့ထားပါ-ဟု တိုက်တွန်း မိသော
အကုသိုလ်ပြစ်ချက်၏ အကျိုးဆက်ပဲ ဖြစ်ပါတယ်။

ရှင်သီဝလိသည်လည်း ကျပ်တည်းကျဉ်းမြောင်းသော အမိဝမ်းထဲတွင်
သွေးအလူးလူးဖြင့် ၇-နှစ်ကြာမျှ ဒုက္ခကြီးစွာ ၀ဋ်ဆင်းရဲကို ခံရရှာသည်။
မွေးဖွားရာတွင်လည်း သက်သာလွယ်ကူခြင်း မရှိဘဲ ကမ္မဇလေကြောင့်
ဦးစောက်ပြောင်းပြန် ခြေထောက်မိုးမျှော် ကျွမ်းထိုးမှောက်ခုံ ဖြစ်ရရုံမျှမက
အမိ၏ယောနိတွင် ကန့်လန့်ခံ၍ ၇-ရက်ကြာ
ဒုက္ခဝေဒနာကို အလူးအလဲ ခံရပြန်လေသည်။

( အံ့ဖွယ် ဖြစ်ရပ်ထူးများ)

ရှင်သီဝလိ၏ ကုသိုလ်ကံအကျိုးပေးကောင်းပုံမှာလည်း ထူးထူးခြားခြား
ရှိလှ၍ အံ့သြဖွယ် ကောင်းလွန်းလှပေသည်။
ရှင်သီဝလိအလောင်း သန္ဓေတည်မိသည်နှင့်တပြိုင်နက် ၀မ်းတွင်းရှိ
သန္ဓေသား၏ ကုသိုလ်ကံကြောင့် မယ်တော် သုပ္ပ၀ါသာမင်းသမီးအထံသို့
ဟိုမှသည်မှ ရာပေါင်းများစွာသော လက်ဆောင်ပစ္စည်းများ နေ့စဉ်အမြဲ
ည-နံနက် ဆက်ကာဆက်ကာ ပေးပို့လာကြလေသည်။
ဆွေမျိုးများက သုပ္ပ၀ါသာမင်းသမီး၏ ဘုန်းကံကိုစမ်းလို၍ မျိုးစေ့ထည့်ထားသော
တောင်းကို မင်းသမီး၏ လက်ထဲသို့ ထည့်စေကြကုန်၏။
သုပ္ပ၀ါသာမင်းသမီး၏ လက်ဖြင့် ထိမိသမျှ မျိုးစေ့တို့သည်အံ့သြယူရလောက်အောင်
တစေ့တစေ့မှ အပင်အညှောက် အရာအထောင်ပေါက်ပွား လာကြကုန်၏။
မင်းပယ်တပယ် ကျယ်ဝန်းသော လယ်မြေတကွက်မှ လှည်းအစီးပေါင်း
ငါးဆယ်ခြောက်ဆယ် တိုက်ယူရလောက်အောင် ကောက်စပါးများ
အထွက်တိုး၍ လာလေသည်။

စပါးကျီထဲသို့ စပါးများကို သွင်းသည့်အခါမှာလည်း မင်းသမီးလက်ဖြင့်
တံခါးပေါက်ကို အကိုင်ခိုင်းကြည့်ရာ ၀မ်းတွင်းရှိ သီဝလိ၏ ဘုန်းကံကြောင့်
ပြောင်း၊ စပါး၊ စသော ကောက်ပဲသီးနှံများမှ (ထုတ်ယူသယ်ဆောင်သွားသည့်တိုင်)
မူလအတိုင်း လျော့သွားသည်မရှိ၊ ပြည့်မြဲပြည့်၍ နေတတ်လေသည်။
ချက်ပြီးသား ထမင်းအိုးမှ ထမင်းကို ခူးခပ်ကာ-ဟောဒါ-မင်းသမီး၏
ဘုန်းကံပါပဲ-ဟု ပါးစပ်မှ ပြောဆို၍ ပေးကမ်းလှူဒါန်းပါလျှင်
ကုန်ခန်းသည်မရှိ၊ ပြည့်စုံလုံလောက်သော ဟူ၏။

ဤသို့ အံ့ဖွယ်ဖြစ်ရပ် ထူးထူးခြားခြား ဖြစ်ပေါ်ရခြင်းမှာ
ဝိပဿီဘုရားလက်ထက်က နွားနို့ခဲနှင့် ပျားရည်ကို လှူခဲ့ဖူးသော
ကုသိုလ်၏ အကျိုးဆက်ပင် ဖြစ်လေသည်။

(ဂုဏ်တော်ပွား၍ သည်းခံခြင်း)

ကိုယ်ဝန်သန္ဓေကို ခုနစ်နှစ်ကြာမျှ လွယ်ထားရသော သုပ္ပ၀ါသာမင်းသမီး၏ ဆင်းရဲ
ဒုက္ခ မည်မျှကြီးမားသည်ကို စာရှုသူတို့ ကိုယ်ချင်းစာကြည့်လျှင်သိနိုင်ရာပါသည်။
ဤ၌ သုပ္ပ၀ါသာ မင်းသမီး၏ သဘောထားခံယူချက်မှာ အတုယူ မှတ်သားဖို့
ကောင်းပါသည်။ သုပ္ပ၀ါသာမင်းသမီးသည် သန္ဓေလွယ်ရသော ဒုက္ခဝေဒနာကို
အခြားနည်းဖြင့် မဖြေဖျာက်ဘဲ ဂုဏ်တော်ပွားများခြင်းဖြင့် အာရုံပြောင်းလဲအောင်
ပြုလုပ်၍ သည်းခံခဲ့လေသည်။

ဂုဏ်တော်ပွားများ ဆင်ခြင်ပုံမှာ-

(က) မြတ်စွာဘုရားသည် ယခု ငါခံစားနေရသော ဆင်းရဲဒုက္ခမျိုးကို ပယ်စွန့်ဖို့ရန်
တရားဟောတော်မူ၏။ ထိုမြတ်စွာဘုရားသည် သဗ္ဗညုတ ရွှေဉာဏ်တော်နှင့်
ပြည့်စုံတော်မူပါပေစွတကား။

(ခ) မြတ်စွာဘုရား၏ တပည့်သား သံဃာတော်သည် ယခု ငါခံစားနေရသော
ဆင်းရဲဒုက္ခမျိုးကို ပယ်စွန့်ဖို့ရန် ကြံစည်ကြိုးကုတ် အားထုတ်တော်မူ၏။
ထိုမြတ်စွာဘုရား၏ တပည့်သား သံဃာတော်သည် သုံးပါးသိက္ခာ ကျင့်ဖွယ်ရာကို
ကောင်းစွာ ကျင့်တော်မူပါပေစွတကား။

(ဂ) အကြင်တရားမြတ်၌ ငါခံစားနေရသော ဆင်းရဲဒုက္ခမျိုးမရှိ။
ထိုနိဗ္ဗာန်တရားမြတ်သည် အလွန့်အလွန် ချမ်းသာပေစွတကား။

သုပ္ပ၀ါသာမင်းသမီးသည် မြတ်စွာဘုရားဂုဏ်တော်နှင့်စပ်သော ကောင်းသောအကြံ၊
သံဃာတော်၏ သုပ္ပဋိပ္ပန္န ဂုဏ်တော်နှင့်စပ်သော ကောင်းသောအကြံ၊
နိဗ္ဗာန်၏ သန္တိသုခဂုဏ်နှင့် စပ်သော ကောင်းသောအကြံ ဤအကြံ
သုံးမျိုးတို့ဖြင့် ကိုယ်ဝန်လွယ်ရသော ဒုက္ခဝေဒနာကို
သည်းခံဖြေဖျောက်၍ နေလေသည်။

သန္ဓေလွယ်ရသော အချိန်ကာလ ခုနစ်နှစ်ကြာမျှ ကြာညောင်းပြီး မွေးဖွားရန်
ကမ္မဇလေ လှုပ်ရှား၍ အခံရခက်အောင် ဝေဒနာ ပြင်းထန်လာသောအခါ သူ၏
ခင်ပွန်းဖြစ်သူ ကောလိယမင်းသားကို အနားသို့ ခေါ်ယူပြီး အောက်ပါ
စကားကို ပြောကြားလေပါတယ်။

အမောင်-ကိုယ်ဝန်ဒုက္ခ ကြီးမားလှ၍ သေရမည်၊ ရှင်ရမည် အတပ်မသိနိုင်ပါ။
ဒါကြောင့် မသေမီ (အသက်ရှင်ခိုက်) အလှူပေးသွားချင်ပါတယ်။
မြတ်စွာဘုရားထံသွား၍ အကျိုးအကြောင်း လျှောက်ထားပြီး
အလှူရက်ကို သတ်မှတ်ပါ။ မြတ်စွာဘုရား မိန့်ကြားသမျှကိုလဲ
တလုံးမကျန် မှတ်သားပြီး ကျွန်ုပ်ကို ပြန်ပြောပါ။

 

ကောလိယမင်းသားသည် ဇနီးဖြစ်သူ သုပ္ပ၀ါသာ၏ စကားကို ယူဆောင်၍
မြတ်စွာဘုရားထံသို့ သွားရောက်ကာ အကျိုးအကြောင်းကို လျှောက်ထားလေ၏။
သုပ္ပ၀ါသာမင်းသမီး၏ သဒ္ဓါတရားကိုငဲ့၍ နေအိမ်သို့ အလှူခံ
ကြွရောက်ပါရန်လည်း ပင့်လျှောက်လေ၏။
မြတ်စွာဘုရားက သုပ္ပ၀ါသာမင်းသမီး၏ အလှူကို ချက်ချင်း လက်မခံသေးဘဲ
ဆိုင်းငံ့ထား၏။ ဤသို့ဆိုင်းငံ့ထားခြင်းမှာ သုပ္ပ၀ါသာမင်းသမီးထံမှ အပင့်မရောက်မီ
အရှင်မောဂ္ဂလာန်ကို ဆည်းကပ်ကိုးကွယ်သော ဒကာတဦးက ပင့်ထားပြီးဖြစ်၍
ချက်ချင်း ၀န်မခံခြင်း ဖြစ်သည်။

အလှူ ၂-ခု တိုက်ဆိုင်နေသောအခါ မြတ်စွာဘုရားက အရှင်မောဂ္ဂလာန်ကို
ခေါ်၍ အလှူရက် နောက်ဆုတ် ပေးရန် သူ၏ ဒကာထံသို့ စေလွှတ်လိုက်သည်။
အရှင်မောဂ္ဂလာန်က သူ၏ဒကာကို ပြောပြသည်မှာ အလှူ ၂-ခု တိုက်ဆိုင်နေသည့်
အတွက် ဝေဒနာသည်ကို ဦးစားပေးသောအားဖြင့် ဒကာကြီး၏ အလှူရက်ကို
၇-ရက်မျှ နောက်သို့ ရွှေ့ပေးပါရန် ပြောကြားလေသည်။

အလှူ့ဒကာကြီးက ပြတ်ပြတ်သားသား ပြန်၍လျှောက်ထားလိုက်သည်မှာ-
အရှင်ဘုရားများ ဖြစ်စေချင်သလို တပည့်တော်၏ အလှူရက်ကို နောက်သို့
ရွှေ့ဆိုင်းပေးပါမည်။ သို့ရာတွင် ခုနစ်ရက်အတွင်း တပည့်တော်၏ အသက်ရယ်၊
စည်းစိမ်ဥစ္စာရယ်၊ သဒ္ဓါတရားရယ် ဤသုံးမျိုး မပျက်စီးစေရပါဘူး-လို့
အရှင်ဘုရားတို့ အာမခံနိုင်ပါ့မလား၊ အာမခံနိုင်ရင် တပည့်တော်ရဲ့ အလှူရက်ကို
ရွှေ့ပေးပါမယ်ဘုရား။

အလှူ့ဒကာကြီးက အာမခံချက် ၃-မျိုးကို တင်ပြတောင်းဆိုလာသောအခါ
အရှင်မောဂ္ဂလာန် ကိုယ်တော်မြတ်က-
ဒကာကြီးရဲ့ တင်ပြချက်ဟာ သဘာဝကျပါပေတယ်။
ဒါပေမဲ့ အသက်နှင့် စည်းစိမ်ကိုတော့ ၇-ရက်အတွင်း မပျက်စီးစေရပါဘူးလို့
အာမခံမယ်ဆိုလျှင် ခံနိုင်စရာ ရှိပါတယ်။ သဒ္ဓါတရားကိုတော့ အာမမခံနိုင်ပါ။
ဒကာကြီးဘာသာ လိမ္မာသလို မပျက်စီးအောင် ထိန်းသိမ်းစောင့်ရှောက်ပါ။
ဤသို့ ပြန်လည် ရှင်းပြတော် မူပေသည်။

ထိုဒကာကြီးသည် အရှင်မောဂ္ဂလာန်နှင့် ရင်းနှီးရုံမျှမက ကြည်ညိုရင်းစွဲရှိသည့်
အပြင် မြတ်စွာဘုရားကို ရိုသေလေးစာသောအားဖြင့် ဝေဒနာသည်ကို
ဦးစားပေးကာ သူ၏ အလှူရက်ကို နောက်သို့ ၇-ရက်မျှ ရွှေ့ပေးလိုက်လေသည်။

( မေတ္တာဓာတ်ကြောင့် ဖွားမြင် )

အရှင်မောဂ္ဂလာန်၏ ဒကာအထံမှ သဘောတူ ခွင့်ပြုချက်ရသောအခါ
မြတ်စွာဘုရားက သုပ္ပ၀ါသာ မင်းသမီး၏ အလှူကို လက်ခံတော်မူပြီး-
သုပ္ပ၀ါသာ မင်းသမီးသည် ရောဂါမရှိ ပကတိချမ်းသာစေသတည်း။
ရောဂါမရှိ ပကတိချမ်းသာလျက် ရောဂါကင်းသော သားကို လွယ်ကူစွာ
ဖွားစေသတည်း-ဟု မေတ္တာဓာတ် အပြည့်အ၀ဖြင့် မိန့်ကြားတော်မူလေသည်။

မြတ်စွာဘုရား မိန့်ကြားတော်မူလိုက်သည်နှင့် တပြိုင်နက် မရှေးမနှောင်း
နေအိမ်တွင် ကျန်ရစ်သော သုပ္ပ၀ါသာမင်းသမီးသည် ၇-နှစ်လွယ်ထားရပြီး
၇-ရက်တိုင်တိုင် မီးမဖွားနိုင်ဘဲ အခက်အခဲကြုံနေရသော သန္ဓေသားကို
လွယ်ကူချောမောစွာ ဖွားမြင်လေ၏။

ထိုအခါကျမှ မီးနေအိမ်အနားတွင် အကဲခတ်စုရုံးနေကြသော ဆွေတစု
မျိုးတသိုက်မှာ အကြည်ဓာတ်ဆိုက်ပြီး ပြုံးနိုင် ရွှင်နိုင်ကြလေသည်။
သားကလေး မွေးပြီဆိုသော သတင်းကို ဖခင်ဖြစ်သူ ကောလိယမင်းသားထံသို့
အပြေးအလွှားပြောသူက ပြောကြ၏။ ထိုသူများ၏ လှုပ်လှုပ်ရှားရှား
ဝမ်းပန်းတသာ ပြေးလွှားကြသောမြင်ကွင်းကို ကျောင်းတော်မှ ပြန်လာသော
ကောလိယမင်းသားက တွေ့မြင်လိုက်ရသောအခါ ငါ၏ဇနီး မီးဖွားပြီဟု
သဘောပေါက်ပြီး ဖြစ်လေသည်။ ဆွေမျိုးတို့၏ ပူပန်မှု စိတ်သောကကို
ငြိမ်းအေးစေလျက် ဖွားမြင်သန့်စင်လာ သောကြောင့် သူငယ်၏
အမည်ကို ( သီဝလိ) ဟု အမည်ပေးကြသည်။
သီဝလိ=သောကအပူကို ငြိမ်းအေးစေးသူ (၀ါ) မောင်ငြိမ်းချမ်း။

( မွေးဖွားစသူငယ် စကားပြောခြင်း )

သုပ္ပ၀ါသာမင်းသမီးသည် သီဝလိသတို့သား ဖွားမြောက်သည့်
အထ်ိမ်းအမှတ်အဖြစ် မြတ်စွာဘုရားနှင့် သံဃာတော်များကို
နေအိမ်သို့ပင့်၍ ၇-ရက်တိုင်တိုင် အလှူကြီးကို ပေးလေသည်။
ရှင်သီဝလိ သတို့သားမှာ အမိဝမ်း၌ ၇-နှစ်မျှနေခဲ့ရပြီးဖြစ်၍ ဖွားမြောက်
လာချိန်တွင် ၇-နှစ်အရွယ်ရှိ သူငယ်တို့ ပြုလုပ်ရမည့် အမှုလုပ်ငန်းမှန်သမျှကို
ပြုလုပ်နိုင်စွမ်း ရှိပေပြီ။ ထို့ကြောင့် သံဃာတော်များကို သီဝလိသူငယ်ကိုယ်တိုင်
ရေစစ်၍ သောက်ရေဆက်ကပ်ခြင်း၊ ရှင်သာရိပုတ္တရာ ကိုယ်တော်မြတ်ကြီးနှင့်
စကားပြောခြင်းများကို ပြုလုပ်လေသည်။ ထိုအံ့ဖွယ်မြင်ကွင်းကို တွေ့မြင်ရသော
မယ်တော်သုပ္ပ၀ါသာ မင်းသမီးအဖို့ ၀မ်းမြောက် ကြည်နူးမဆုံး ရှိလေသည်။
(အံ-ဋ္ဌ-၁၊ နှာ-၁၉၄)

မြတ်စွာဘုရားက -ချစ်သမီး သုပ္ပ၀ါသာ၊ ကိုယ်ဝန်ဒုက္ခကို ၇-နှစ်မျှ
လွယ်ထားရပြီးဖြစ်၍ နောက်ထပ် ကိုယ်ဝန်ဆောင်လိုစိတ် ရှိပါသေးသလား-ဟု
မေးတော်မူရာ သုပ္ပ၀ါသာမင်းသမီးက -မှန်ပါဘုရား၊ သီဝလိလို သားမျိုးကိုသာ
ရမည်ဆိုပါက နောက်ထပ် ၇-ခါ ပဋိသန္ဓေလွယ်ပြီး ၇-ယောက်တိတိ
ဖွားလိုပါသေးကြောင်း-မိန်းမပီပီ လျှောက်ထားလေသည်။
ဤသို့လျှောက်ထားခြင်းမှာ သားဖွားခြင်း၌ ရောင့်ရဲတင်းတိမ်မှုမရှိသော
မိန်းမတို့၏ ဓမ္မတာသဘောအရ လျှောက်ထားခြင်း ဖြစ်ပေသည်။

 

အလှူကြီး ၇-ရက်မြောက်သော နောက်ဆုံးနေ့တွင် ရှင်သာရိပုတ္တရာကို
သီဝလိသူငယ်က အမိဝမ်းတွင်း၌ ဒုက္ခကြီးစွာ နေထိုင်ရပုံအကြောင်းများကို
လျှောက်ထားပြီး မိဘ ၂-ပါးက ခွင့်ပြုပါလျှင်
သင်္ကန်းဝတ်လိုကြောင်း လျှောက်ထားလေ၏။
ခွင့်ပြုချက်ရသောအခါ ရှင်သာရိပုတ္တရာက ကျောင်းတော်သို့ခေါ်သွားပြီးလျှင်
တစပဉ္စက ကမ္မဋ္ဌာန်းကို ပေးကာ ရှင်သာမဏေပြုရန် ဆံချပေးလေ၏။

ပထမဆံဝန်းအချတွင် သောတာပန်၊
ဒုတိယဆံဝန်းအချတွင် သကဒါဂါမ်၊
တတိယဆံဝန်းအချတွင် အနာဂါမ်၊
ဆံရိတ်အပြီးတွင် ရဟန္တာဖြစ်လေ၏။

ရှင်သီဝလိကို ရဟန်းပြုသောနေ့မှစ၍ ကျောင်းတိုက်ရှိ သံဃာအားလုံး
ရှင်သီဝလိ၏ ဘုန်းကံကြောင့် ကျောင်း၊ သင်္ကန်း၊ ဆွမ်း၊ ဆေး ပစ္စည်းလေးပါး
ခက်ခဲမှုမရှိဘဲ အလျှံပယ်ပေါများလေ၏။
ရှင်သီဝလိ၏ အကြောင်းအရာ ဇာတ်လမ်းစုံသည် မြတ်စွာဘုရားသခင်
ကုဏ္ဍိကာမြို့တွင် သီတင်းသုံးနေထိုင်စဉ်က ဖြစ်ပေါ်လာခဲ့ပေသည်။

 

ဂေါတမမြတ်စွာဘုရား သာသနာတော်၌ ရှင်သီဝလိကိ်ု
လာဘ်လာဘအကြီးမားဆုံး မထေရ်အဖြစ် အားလုံးက လက်ခံထားကြ၏။
မှန်ပေ၏။ မြတ်စွာဘုရားသည်ပင် ပစ္စည်းလေးပါး ခက်ခဲအံ့ထင်သော
မြို့ရွာများသို့ သာသနာပြု ကြွသည့်အခါ ရှင်သီဝလိကို ခေါ်သွားလေ့ရှိ၏။
ရှင်သီဝလိပါလျှင် စားဝတ်နေရေး ခက်ခဲမှုမရှိ။ အားလုံးပြီးပြည့်စုံ၏။
လူ့ရွာကို မဆိုထားဘိ လူနေအိမ်ခြေမရှိသည့် တောအရပ်မျိုးမှာပင်
ရုက္ခစိုးနတ်တို့က ဆီးကြိုကာ လှူဒါန်းကြ၏။ ရှင်သီဝလိ ဘုန်းကံမှာ
ဤမျှ အံ့ဖွယ်ကောင်းအောင် ထူးခြားလှဘိ၏။

တခါက ဂေါတမမြတ်စွာဘုရားသည် သာဝတ္ထိပြည်သို့ ကြွလာရာ
ရှင်သီဝလိကိုယ်တော်လည်း နောက်တော်မှ ပါလာ၏။
ရှင်သီဝလိက-မြတ်စွာဘုရား၊ တပည့်တော်၏ ဘုန်းကံကို စုံစမ်းလိုပါ၍
တပည့်နှင့် အတူ သံဃာအပါး ၅၀၀-ထည့်ပေးတော်မူပါဘုရား-ဟု
လျှောက်ထားရာ မြတ်စွာဘုရားက ရှင်သီဝလိနောက်သို့
သံဃာအပါး ၅၀၀-ထည့်ပေးလိုက်၏။

ရှင်သီဝလိသည် လူတို့နေထိုင်ရာ မြို့ရွာများသို့ မကြွမူ၍ ဟိမ၀န္တာသို့
ရှေးရှုကာ တောလမ်းခရီးမှ ကြွသွားလေသည်။
ဤသို့ ကြွသွားရာ လမ်းခရီးရှိ ဆိုက်ရောက်ရာ နေရာအားလုံး၌ပင်
ဆိုင်ရာဆိုင်ရာ နတ်တို့က ရှင်သီဝလိ မထေရ်အား ခုနစ်ရက်စီ၊
ခုနစ်ရက်စီ အလှူဒါနကို အကြီးအကျယ် ပေးလှူကြလေသည်။
ရှင်သီဝလ်ိအတွက် ပေးလှူသော ပစ္စည်းများသည် နောက်ပါ သံဃာ ၅၀၀-တို့ပင်
သုံးစွဲ၍ မကုန်အောင် ပြည့်စုံလုံလောက်ရုံမျှမက အလျှံပယ်ဖြစ်၍ နေလေ၏။
ရှင်သီဝလိဘုန်းကံကား ဤမျှ ကြီးမားလှပေ၏။ လူများသာမက နတ်များကပင်
လှူဒါန်းကြသောကြောင့် လာဘ်လာဘ ပေါများရာ၌ ရှင်သီဝလိမထေရ်အား
ဧတဒဂ်ဘွဲ့ထူး ပေး၍ ချီးမြှင့်တော်မူလေသည်။

 

ရှင်သီဝလိဂါထာတော်မှာ ဆယ်ဂါထာရှိပါသည်။

ထိုဆယ်ဂါထာအား စာဖတ်ပရိသတ်များ ရွတ်ဖတ်ပူဇော်နိုင်ရန် ရည်ရွယ်ပြီး ဖော်ပြပေးလိုက်ပါတယ်။

 

ရှင်သီဝလိ ဂါထာတော်

^^^^^^^^^^^^^^^^^^^^^^^^

၁။ သီဝလီ စ မဟာနာမံ၊ သဗ္ဗလာဘံ ဘဝိဿ တိ။ ထေရဿ အနုဘာဝေန၊ သဗ္ဗေ ဟောန္တု ပိယံ မမ။

သီဝလိစ မဟာနာမံ၊ သပ်ဗလာဘံ ဘဝိတ်သတိ၊
ထေရတ်သ အာနုဘာဝေန၊ သပ်ဗေဟွန်းတု ပိယံမမ။

အနက်

မဟာနာမံ – မြင့်မြတ်သော အမည်ရှိတော်မူထသော

သီဝလိစ – အရှင်သီဝလိမထေရ်သည်လည်း

သဗ္ဗလာဘံ – အလုံးစုံသော လာဘ်ရတနာသည်

ဘ၀ိဿတိ – ဖြစ်ပေါ်၍ လာပေ၏။

ထေရဿ – အရှင်သီဝလိမထေရ်မြတ်၏

အာနုဘာဝေန – တန်ခိုးအာနုဘော်တော်ကြောင့်

သဗ္ဗေ – အလုံးစုံကုန်သောသူတို့သည်

မမ- ကျွန်ုပ်အား

ပီယံ – ချစ်ခင်ခြင်းသည်

ဟောန္တု – ဖြစ်ပါစေကုန်သတည်း။

၂။ သီဝလိ စ မဟာဝီရော ယေ ယေ ပဿန္တု မံ ပိယံ။ တေ တေ ပဿန္တု ပရမံ၊ ဇနပဒါ ပူဇယန္တု။

သီဝလိစ မဟာဝီရော ယေယေ ပတ်သန်းတု မံပိယံ။
တေတေ ပတ်သန်းတု ပရမံ၊ ဇနပဒါ ပူဇယန်းတု။

သီဝလိစ – အရှင်သီဝလိမထေရ်သည်လည်း

မဟာဝီရော – ကြီးကျယ်မြင့်မြတ်သော ၀ီရိယရှိတော်မူပါ၏

ယေယေ – အကြင်အကြင် သူတို့သည်

မံ – ကျွန်ုပ်တို့

ပီယံ – ချစ်ခင်လေးမြတ်ခြင်းဖြင့်

ပဿန္တု – မြင်ကြကုန်၏။

တေတေ – ထိုထိုသော မိတ်သင်္ဂဟတို့သည်

ပရမံ – မြင့်မြတ်သော မေတ္တာစိတ်ရင်းဖြင့်

ပဿန္တု – မြင်ကြပါစေကုန်သတည်း

ဇနပဒါ – ဇနပုဒ်သားအများသောသူတို့သည်

ပူဇယန္တု – မြတ်နိုးပူဇော်ကြပါစေကုန်သတည်း။

 

၃။ သီဝလိ နာမ ထေရေန၊ မမသီသေ ဌပေတွာန၊
ဇမ္ဗူဒီပ မဏ္ဍလေန၊ ဇယောမန္တာ သုခါဝဟံ။

သီဝလိစ နာမ ထေရေန၊ မမသီသေထ ပစ်တဝါန၊
ဇဘူဒီပ မန်တလေန၊ ဇယောမန်တာ သုခါဝဟံ

 

သီဝလိ စ နာမ ထေရေန – သီဝလိအမည်ရှိသော အရှင်သည်ကား

မမ – တပည့်တော်၏

သိတေ – ဦးခေါင်းတော်ပလ္လင်၌

ဌပေတွာန – အမြဲမပြတ်ရပ်တည်တော်မူ၍

ဇမ္ဗူဒီပ မဏ္ဍလေန – ဇမ္ဗူဒီပါကျွန်းအပြင် ၌

ဇယောမန္တာ – အောင်ကြောင်း မန္တန်တော်ဖြင့်

သုခါဝဟံ – ချမ်းသာခြင်းကို ဆောင်ရွက်နိုင်သည်

ဟောတု – ဖြစ်ပါစေသတည်း

၎။ သီဝလိ စ မဟာနာမံ၊ ဣန္ဒာဒေဝါ သဗြဟ္မကာ။ မနုဿပုရိသော ဣတ္ထိ၊ မဟာလာဘံ ဘဝိဿတိ။

သီဝလိစ မဟာနာမံ၊ အိန်ဒါဒေဝါ သဗြမ်မကာ။
မနုတ်သပူရိသော အိတ်ထိ၊ မဟာလာဘံ ဘဝိတ်သတိ၊

 

သီဝလိစ – သီဝလိ မထေရ်မြတ်သည်လည်း

မဟာနာမံ – မြင့်မြတ်သောအမည်တော်ရှိပါပေ၏။

တဿထေရဿ – ထိုအရှင်သီဝလိ မထေရ်မြတ်၏

အာနုဘာဝေ၀န – အာနုဘော်တော်ကြောင့်

သဗြဟ္မကာ – ဗြဟ္မာမင်းနှင့်တကွကုန်သော

ဣန္ဒာဒေ၀ါ – သိကြားမင်းတို့သည်လည်းကောင်း

မနုဿပုရိသော ဣတ္ထိ – ယောက်ျားမိန်းမ များလှသောသူတို့သည်လည်းကောင်း

မဟာလာဘံ – ကြီးစွာသော လာဘ်ရခြင်းသည်

ဘ၀ိဿတိ – ဖြစ်ပါစေသတည်း။

၅။ သီဝလိ စ မဟာလာဘံ၊ နာနာဒေဟိ ဝရံ ဝရံ။
ဣဒမ္ပိ ပူဇာတံ ဒေတိ၊ မဟာသုခံ ဘဝိဿတိ။

သီဝလိစ မဟာလာဘံ၊ နာနာဒေဟိ ဝရံဝရံ။
အိဒန်းပိ ပူဇာတံဒေတိ၊ မဟာသုခံ ဘဝိတ်သတိ။

သီဝလိစ – သီဝလိမထေရ်မြတ်သည်လည်း

ဝရံဝရံ – အထူးထူးအပြားပြား များမြတ်လှသော

မဟာလာဘံ – ကြီးစွာသော လာဘ်လာဘကို

ဒေတိ – ပေးစွမ်းနိုင်၏။

တဿထေရဿ – ထိုသီဝလိမထေရ်မြတ်၏

အာနုဘာဝေန – အာနုဘော်တော်ကြောင့်

မဟာသုခံ – ကြီးကျယ်သော စည်းစိမ်ချမ်းသာသည်

ဘ၀ိဿတိ – ဖြစ်ပါစေသတည်း။

၆။ ဝဏ္ဏံ ဒန္တံ သုခံ ကိတ္တိ၊ အနာမယံ ဘဝေ ဘဝေ။ တဝရုက္ခေ ဒေဝဓိတာ၊ သဗ္ဗကောဓံ ဝိနဿန္တု။

ဝန်နံ ဒန်တံ သုခံ ကိတ်ထိ၊ အနာမယံ ဘဝေဘဝေ။
တဝရုတ်ခေ ဒေဝဓိတာ၊ သပ်ဗကောဓံ ဝိနာသန်းတု။

 

မမ – တပည့်တော်အား

ဘဝေ ဘဝေ – ဘ၀ဘ၀တိုင်း ၌

ဝဏ္ဏံ – အဆင်းလှခြင်းသည်လည်းကောင်း

ဒန္တံ – ယဉ်ကျေးသိမ်မွေ့ခြင်းသည်လည်းကောင်း

သုခံ – ချမ်းသာခြင်းကို ဆောင်သည်လည်းကောင်း

ကိတ္ထိစ – ကျော်စောခြင်းသည်လည်းကောင်း

အနာမယံ – အနာကင်းခြင်းသည်လည်းကောင်း

ဟောတု – ဖြစ်ပါစေသတည်း

တ၀ရုက္ခေ – ဘုရားရှင်တည်းဟူသော ပန်းပင်ကြီး ၌

ဒေ၀ဒိတာ – တရားတော်တည်းဟူသော နတ်သစ်သီးသည်

သဗ္ဗကောဓံ – အလုံးစုံသော ရန်မပျက်ကို

ဝိနဿတု – ဖျက်ဆီး၍ ပစ်နိုင်ပါစေသတည်း။

၇။ သီဝလိ စ မဟာလာဘံ၊ သဗ္ဗလာဘံ ဘဝိဿတိ။ ထေရဿ အာနုဘာဝေန၊ သဒါ ဟောတု ပိယံ မမ။

သီဝလိစ မဟာလာဘံ၊ သပ်ဗ လာဘံ ဘဝိတ်သတိ။
ထေရတ်သ အာနုဘာဝေန၊ သဒါဟောတု ပိယံ မမ။

မဟာလာဘံ – များစွာသော လာဘ်လာဘရှိတော်မူသော

သီဝလိစ – သီဝလိ မထေရ်မြတ်သည်ကား

သဗ္ဗလာဘံ  – များမြတ်သော လာဘ်လာဘသည်

ဘ၀ိဿတိ – ဖြစ်ပေါ်၍ လာရပေ၏။

ထေရဿ – အရှင်သီဝလိမထေရ်၏

အာနုဘာဝေန – အာနုဘော်တော်ကြောင့်

မမ – တပည့်တော်အား

သဒါ – အခါခပ်သိမ်း

ပိယံ – လူချစ်လူခင်ပေါများခြင်းသည်

ဟောတု – ဖြစ်ပါစေသတည်း

၈။ သီဝလိ စ မဟာထေရော၊ ယေ ယေ ပဿန္တု မံ ပိယံ။ တေ တေ ပဿန္တု မံ ပိယံ၊ ဇနပ္ပဒံ ပူဇယန္တု။

သီဝလိစ မဟာထေရော၊ ယေယေ ပတ်သန်းတု မံပိယံ။ တေတေ ပတ်သန်းတု မံပိယံ၊ ဇနပ်ပတ်ဒံ ပူဇယန်းတု။

 

သီဝလိစ – သီဝလိမထေရ်မြတ်သည်ကား

မဟာထေရော – ကြီးကျယ်သော မထေရ်မြတ်လည်း ဖြစ်တော်မူပါပေ၏။

ယေယေ – အကြင်အကြင်သူတို့သည်

အရှင်သီဝလိကို ကြည်ညိုသော တပည့်တော်ကို

ပိယံ – သားရင်းပမာ ချစ်ခင်စွာ

ပဿန္တု – မြင်ကြကုန်၏။

တေ တေ -ထိုသူတို့သည်

မံ – အကျွန်ုပ်ကို

ပိယံ – ချစ်ခင်စွာ

ပဿန္တု – မြင်ကြစေကုန်သတည်း။

 

တနိုင်းခ

Comments

comments

Post Author: manawmaya