စိတ်ကို စိတ်နှင့် ကုစားခြင်း – စိန္တာမယဆရာပိုင်

ကျွန်ုပ် တွေ့ကြုံခဲ့ရတဲ့ ပယောဂအကြောင်း တွေရေးရင်း ကျွန်ုပ်အကြောင်းလေးလည်း အနည်း ငယ် ထည့်ရေးနေခဲ့တာပါ။ တကယ့် အဓိက ရေးရ မှာ လေးကို မေ့နေလို့ ဒီဆောင်းပါးအစမှာ ထည့် ရေးတာပါ။

ကျွန်ုပ် ဆေးကုသမှုကို ဘုရားခန်းမှာပဲလုပ်ပါ တယ်။ အချို့က ဆရာ့ဆေးခန်း၊ ဆရာ့ဓာတ်ခန်း စသဖြင့် ခေါ်ဝေါ်သုံးနှုန်းကြပါတယ်။ အမှန်တော့ ဆေးခန်းလည်း မဟုတ်ပါဘူး။ ဓာတ်ခန်းလည်း မဟုတ်ပါဘူး။ ဘုရားခန်းပါပဲ။ ဆေးကုသမှုအချိန်က တော့ နံနက် ၁၀ နာရီခွဲ-၁၁ နာရီနောက်ပိုင်းကနေ ညနေ လေးနာရီအထိပါ။ လပြည့်လကွယ်နေ့တွေမှာ ပိတ်ပါတယ်။ ပယောဂကိုပဲ အဓိကကုသတာဖြစ်ပြီး ဗေဒင်ယတြာ၊ ဓာတ်ဆင်ဓာတ်ရိုက်မလုပ်ပါဘူး။

ပယောဂကိုစစ်ဆေးပေး ကုသမှုလုပ်ပေးတာ ပါ။ ပယောဂဆိုတဲ့နေရာမှာ အောက်လမ်း၊ ရွာသူ၊ စုန်း၊ နတ်၊ ကဝေနဲ့ သိုက်ကိစ္စတွေကို ကုသပေး နေတာ ဖြစ်ပါတယ်။ ဗေဒင်၊ ယတြာကိစ္စတွေက တော့ ကိုယ့်လိုင်းမဟုတ်တာက တစ်ကြောင်း၊ တတ် လည်း မတတ်တာကြောင့် မလုပ်ပေးပါဘူး။ တတ် ကျွမ်းနားလည်သူထံသာ သွားစေခိုင်းပါတယ်။

ပယောဂကုသတဲ့နေရာမှာလည်း မမှန်မကန် မဟုတ်တာကို အဟုတ်လုပ်ပြီး ကုလို့မရပါဘူး။ ပယောဂမရှိသောသူကို ပယောဂရှိသည်ဟု လိမ် လည်လှည့်ဖျား ငွေယူကာ ကုမစားပါဆိုတဲ့ သစ္စာ စကားဆိုပြီး ကုနေရတာမို့ ပယောဂမရှိတဲ့သူဆိုရင် ကုမပေးပါဘူး။ ဒါပေမဲ့ ကိုယ်မကုချင်ပေမယ့် သူတို့ ကိုယ်တိုင်က ကုသမှုခံယူချင်သူတွေလည်း အများ ကြီး ရှိပါတယ်။

တစ်နေ့ ကျွန်ုပ်ဆီကို အမျိုးသမီးတစ်ယောက် ရောက်လာပါတယ်။ ထိုင်မိပြီဆိုကတည်းက –

“ကျွန်မကို သူများ ပြုစားထားတယ်ဆရာ၊ ကျွန်မ ခေါင်းတွေလည်း မကောင်းဘူး၊ ထမင်းလည်း စားမ၀င်၊ ညလည်း အိပ်မပျော်ဘူး ဖြစ်နေတာ အတော်ကြာပါပြီ။ အဲ့ဒါဆရာ့ဆီမှာ စစ်ဆေးချင်လို့ ပါ”ဆိုပြီး ရောက်လာပါတယ်။ နောက် သူဆက်ပြော တဲ့စကားက –

“ကျွန်မကို လုပ်ထားတာက အိမ်ခေါင်းရင်း က အဘွားကြီးပဲဆရာ။ သူတို့က ကျွန်မတို့မိသားစုကို မနာလိုနေတာလေ။ ကျွန်မသားလေးက သင်္ဘော သားဆိုတော့ လစဉ် ငွေမှန်မှန်ပို့တာကြောင့် အဆင်ပြေတယ်လေ။ ဒါကို သူက ကြည့်မရဖြစ်နေ တာ။ အဲ့တာကြောင့် ကျွန်မတို့ကို ငွေကုန်ကြေးကျ များအောင်လုပ်နေတာပဲ ဖြစ်မယ် ဆရာ။ ကျွန်မတို့ အိမ်မှာ ဆေးရုံ ဆေးခန်းပြတ်တယ်လို့ကို မရှိပါဘူး ဆရာရယ်”

သူ ပြောလိုက်တဲ့စကားက ကျွန်ုပ်စိတ်ကို အသိတစ်ခုပေးလိုက်ပါတယ်။ ဒီမိန်းမ စိတ်စွဲနေတာ ဖြစ်နိုင်ကြောင်း သတိထားမိလိုက်လို့ပါပဲ။

ဒါကြောင့် သူမကို စစ်ဆေးပေးလိုက်ပါ တယ်။ ထင်ထားတဲ့ အတိုင်းပါပဲ။ သူမမှာ ပယောဂ စက် မတွေ့ပါဘူး။ အိမ်ခြံမြေမှာလည်း အိမ်တိုက် မြေတိုက် ခြံတိုက် လုံးဝမရှိပါဘူး။ ဒါပေမဲ့ –

“ဆရာ ကျွန်မမှာ သူများလုပ်ထားတာတွေ တွေ့တယ် မဟုတ်လားဟင်”သူ့မေးခွန်းကြောင့် ကျွန်ုပ်သတိရသွားတာက ဖင်ထဲဖွတ်ဝင်တဲ့ ဆေးကု သမှုကိုပါ။

တစ်ချိန်က ဆေးဆရာတစ်ယောက်ဆီကို လူနာတစ်ယောက် ရောက်လာပါတယ်။ သူက သူ့ စအိုထဲကို ဖွတ်တစ်ကောင် ၀င်သွားကြောင်း၊ ဒါကြောင့် သူနေမကောင်းကြောင်း ပြောပါတယ်တဲ့။ ဒီကိစ္စမဖြစ်နိုင်ဘူးဆိုတာ ဆေးဆရာက သိနေတယ်။ ဒါပေမဲ့ လူနာကို ဘယ်လိုပြောပြော လက်မခံဘူး။

နောက်ဆုံးတော့ ဘယ်လိုမှ မတတ်နိုင်တာ ကြောင့် ကုပေးမယ့် နေ့ကိုချိန်းလိုက်တယ်။ ဒီကြား ထဲမှာ အဲ့ဒီဆရာက ဖွတ်တစ်ကောင် အလောတကြီး ရှာရတော့တာပေါ့။ ကုသရမယ့်နေ့ရောက်တော့ ဖွတ် ကို အဆင်သင့်ထားပြီး လူနာကို ဖွတ်ထွက်အောင် လုပ်တယ်ဆိုပြီး လုပ်ပေးလိုက်တယ်။ ပြီးတော့ သူ့ အောက်ကနေ ဖွတ်ကို လွှတ်ပေးလိုက်ပါလေရော။ ဖွတ်ထွက်သွားတာကို လူနာမြင်အောင်လုပ်ပြီး လူနာ စအိုထဲက ဖွတ်ထွက်သွားတဲ့သဏ္ဌာန် လုပ်လိုက်တာ လူနာလည်း သူ့ဆီမှာ ၀င်နေတဲ့ဖွတ် တကယ်ထွက် သွားတယ် ထင်တာပေါ့။ ဒါကြောင့် နေရထိုင်ရတာ ပေါ့သွားတာပဲဆရာရယ်လို့ ပြောပြီး ပြန်သွားပါလေ ရော။ အမှန်တော့ ဖွတ်ဝင်တယ်ဆိုတာ မဟုတ်ပါ ဘူး။ ဘာမှကို ၀င်မနေလို့ သူနေလို့ရတာပါ။ ဒါပေမဲ့ လူနာကို ဘယ်လိုမှ ရှင်းပြလို့မရတာကြောင့် ဆရာ လုပ်သူက ဥာဏ်ကူပြီး ကုပေးလိုက်ရတဲ့ကုကွက်ပါ။

အခု ကျွန်ုပ်ရှေ့ကို ရောက်နေတဲ့လူနာကို လည်း ဖွတ်ထွက်အောင် ကုတဲ့နည်းနဲ့ ကုရပါတော့ မယ်။ ဟိုဆရာက ဘယ်လိုဆိုတာ မသိရပေမယ့် ကျွန်ုပ်မှာက သစ္စာဆိုထားတာရှိနေတော့ လုပ်ရတာ အတော်ခက်ပါတယ်။ ဒါပေမဲ့ မလုပ်ပေးလိုက်ရင် လည်း လူနာရဲ့အစွဲကို ပျောက်သွားမှာမဟုတ်တာမို့ စိတ်ကိုစိတ်နဲ့ ကုသဖို့ပင် သင်ရပါတယ်။

ကျွန်ုပ်နည်းက မခက်ပါဘူး။

“ကောင်းပြီ …ခင်ဗျားမှာ ပယောဂစက် တွေ ရှိနေတာကြောင့် ခင်ဗျားကိုပဲ စစ်ကြည့်ရလိမ့် မယ်”

“စစ်ပါဆရာ စစ်ပါ”

ထို့နောက် သူများတွေစစ်သလို သူ့ကိုလည်း ခြေနှစ်ချောင်းစင်းပြီး စစ်ဆေးလိုက်ပါတယ်။ အသံ ကျယ်ကျယ်နဲ့ အောက်လမ်းလား၊ ရွာသူလားဆိုပြီး စစ်တော့ သူ့ခြေထောက်မှာ ပယောဂစက်တွေ တန်း စီပြီး တွေ့နေရပါတယ်။

“ဟုတ်ပြီ …ခင်ဗျား ခြေဆင်းလျက်ကနေ လက်အုပ်ချီလိုက်”

သူလက်အုပ်ချီပြီးတော့ ကျွန်ုပ်က –

“ပယောဂစက်တွေ ကာယကံရှင်ရဲ့ လက်ကို စီးပြီး ရိုက်ထုတ်လိုက်စမ်း”လို့အမိန့်ပေးလိုက်တာ နဲ့ ကာယကံရှင်ရဲ့ လက်တွေ တုန်ယင်လာကာ ခေါင်း ဖျားကနေစပြီး ရိုက်ထုတ်ပါတော့တယ်။ တဖျောင်း ဖျောင်းနဲ့ ရိုက်ထုတ်လိုက်ကာ အချိန်တော်တော် ကြာ ပါတယ်။ ကျွန်ုပ်လည်း သူ့သဘောကျ လုပ်ပါစေဆို ပြီး လွှတ်ပေးထားလိုက်ပါတယ်။

အချိန်အတော်ကြာအောင် ရိုက်ထုတ်လိုက် ပြီးတော့မှ ဦးတည်ရာကို ကန်တော့လိုက်ပါတယ်။ ထို့နောက် ကျွန်ုပ်ဘက်ကို လှည့်လိုက်ပြီး –

“ဟား အခုမှပဲ အတော်ပေါ့သွားတယ်ဆရာ ရယ် … ဒီအကောင်အတော်ကြီးမယ်နော်”လို့ ပြောလိုက်ပါသေးတယ်။

“အေးပါဗျာ ခင်ဗျားစိတ်ထဲ ပေါ့သွားရင်ပြီး တာပဲ”

“ဘယ်လောက် ကန်တော့ရမလဲ ဆရာ”

အဲ့ဒီမေးခွန်းက ကျွန်ုပ်အတွက် ဖြေရခက် တဲ့ မေးခွန်းပါပဲ။ ပယောဂမရှိသူကို ပယောဂရှိသည် ဟု ငွေယူကာ ကုမစားပါဆိုတဲ့ သစ္စာကြောင့် သူ့ဆီ က ငွေယူလို့ မဖြစ်ပါ။

“မယူပါဘူးဗျာ … ခင်ဗျားကောင်းသွားတာ ကိုပဲ ၀မ်းသာလှပါပြီ”

“ဘယ်ဟုတ်ပါ့မလဲဆရာရယ် ယူပါ”ဆိုပေ မယ့် ကျွန်ုပ်လုံးဝမယူဘူးငြင်းလိုက်တာကြောင့် သူ့ ဘာသာ ဘုရားပွဲထဲထည့်သွားပါတယ်။ ဒါစိတ်ကိုစိတ် နဲ့ကုလိုက်တာပါ။

ခုနစ်ရက် သားသမီးများ ပယောဂပညာစက် ဘေးမှ ဝေးနိုင်ပါစေ။

 

စိန္တာမယဆရာပိုင်

အမှတ်(၃၆၂)၊ ၈-လမ်း၊ (၁၀)ရပ်ကွက်၊ တောင်ဥက္ကလာပမြို့ နယ်၊ ဖုန်း- ၀၉၄၂၀၇၄၄ ၁၁၂။ ၀၉၂၅၄၈၁၁၀၀၇

မနောမယဂမ္ဘီရဂျာနယ် အမှတ် (၈၂၃)

Comments

comments

Post Author: manawmaya