ပညာရေးအတွက် ဂမ္ဘီရအသံ

တစ်နေ့တွင် ကျွန်တော်သည် အဘဆရာကြီး မင်းသိင်္ခရေးသားသော မနောမယမြသက်လယ်အ မည်ရှိစာအုပ်ကို စိတ်ဝင်တစား ဖတ်ရှုနေစဉ်တွင် မောင်သာဖေဆိုသော အိမ်နီးချင်း လေးတန်းကျောင်း သားလေးတစ်ဦး ရောက်ရှိလာပြီးလျှင် –

“ဘာစာအုပ်တွေ ဖတ်နေတာလဲ …”ဟု စပ်စုလေသည်။ ကျွန်တော်က –

“ဂမ္ဘီရစာအုပ်ကွ …”ဟု ပြန်၍ ဖြေလိုက်လျှင် စပ်စုသော မောင်သာဖေက –

“အဲဒီဂမ္ဘီရဆိုတာက ဘာလုပ်ရတာလဲ”ဟု အမေးအမြန်း ထူလေသည်။ ကျွန်တော်က –

“အလွယ်ပြောရရင်ကွာ …ကိုယ် တစ်ခုခု လုပ်တဲ့အခါ ပိုပြီးအဆင်ပြေအောင်ကံကောင်းအောင် လုပ်ရတဲ့နည်းတွေပေါ့ကွာ …”ဟု ပြန်၍ဖြေလိုက် သောအခါ စပ်စပ်စုစု မောင်သာဖေက –

“ပညာရေးမှာ စာကျက်ထားတာတွေ မေ့မသွားအောင်၊ စာမေးပွဲမှာပါအောင် လုပ်တဲ့ နည်းရောပါလား …”ဟု မေးပြန်လေ သည်။  ကျွန်တော်လည်း ထိုစာအုပ်မှ စာမျက်နှာ အချို့ကို လှန်လှော ရှာဖွေပြီးနောက် –

“အိုဝါးယီး …ဆိုတဲ့အသံလေးကို မှတ်ထား ကွ …၊ ပညာရေးနဲ့ပတ်သက်လာရင် အဲဒါလေးကို ၂၂ ခေါက် ရွတ်လိုက်ကွ …၊ စာကျက်ခါနီးဆို လည်းရွတ်၊ စာမေးပွဲဖြေခါနီးဆိုလည်း ရွတ်ပေါ့ကွာ” ဟု ဖြေကြားလိုက်ရလေတော့သတည်း။   ။

မင်းဟန်ငွေ

(အယူတော်မင်္ဂလာ)

Comments

comments

Post Author: manawmaya