အသက်ရှည်ကြောင်း နည်းလမ်း (၁၀) ရပ်

ကျွန်တော်သည် နှစ်ပေါင်း ၄၀ မျှ အစိုးရ အမှုထမ်းအဖြစ် တာဝန်ထမ်း ဆောင်ပြီး နောက် အသက် ၆၃ နှစ်အရွယ်တွင် အငြိမ်းစားယူခဲ့ပေသည်။ အငြိမ်း စားယူခဲ့သည်မှာ ၁၂ နှစ်မျှ ကြာခဲ့ပြီဖြစ်၍ ကျွန်တော်၏ အသက်သည်လည်း ၇၅ နှစ်အတွင်းသို့ ရောက်နေပြီဖြစ်သည်။

အငြိမ်းစားယူပြီးနောက် ကျွန်တော်လုပ်သော အလုပ် သုံးခုရှိသည်။ ဘာသာ ရေးအလုပ်၊ ဝါသနာ အလျောက် စာဖတ်စာရေးသောအလုပ်၊ မူးယစ်ဆေးဝါး ဆန့် ကျင်ရေးအသင်းကြီးတွင် ပါဝင်ပြီး မူးယစ်ဆေးဝါးဆန့်ကျင်ရေးအတွင်း စေတနာ့ဝန် ထမ်း လှုပ်ရှားမှုများကို လုပ်ရသော အလုပ်တို့ဖြစ်သည်။ အသက်အရွယ်ကြီးရင့် လာသဖြင့် ဘာသာရေးစာအုပ်၊ ကျန်းမာရေးစာအုပ်များကိုလည်း ပို၍ ဖတ်ဖြစ် ပေသည်။

ကျန်းမာရေးအတွက် ကျွန်တော်ဖတ်ရှု လေ့လာသောစာအုပ်များတွင် “အသက် ရှည်ရေး၏ လျှို့ဝှက်ချက်”ဟူသော စာအုပ်သည်လည်း တစ်အုပ် အပါအဝင်ဖြစ်သည်။ တစ်ခေတ်တစ်ခါက ထင်ရှားခဲ့သည့် နိုင်ငံရေးခေါင်းဆောင် သခင်ချစ်မောင် (ဝိဓူရ) ရေးသားခဲ့သော စာအုပ်ဖြစ်သည်။ ၃၁-၂-၉၆ ရက်စွဲဖြင့် ၄င်းကိုယ်တိုင်လက် မှတ်ရေးထိုးပြီး မေတ္တာလက်ဆောင်ပေး ထားသော စာအုပ်ဖြစ်သည်။ စာအုပ်၏ အဖုံးကို ဖွင့်လိုက်သည်နှင့် ၄င်းကိုယ်တိုင် လက်ရေးဖြင့်ရေးသားထားသော အောက် ဖော်ပြပါ စာပိုဒ်ကလေးကို အမှတ်တရ တွေ့ရပေသည်။

“မိတ်ဆွေကြီး ဦးဥာဏ်ဝင်း မိ သားစုများ ကိုယ်စိတ်နှစ်ပါး ကျန်းမာ၊ ချမ်းသာရေးအတွက် အထူးမေတ္တာလက် ဆောင်ပါ”

သခင်ချစ်မောင် ရေးသားခဲ့သော ယင်း စာအုပ်မှ အင်္ဂလိပ်ဘာသာဖြင့် ရေး ထားသော ကျမ်းခုနစ်ကျမ်း၊ မြန်မာဘာ သာဖြင့် ရေးသားထားသော ကျမ်းကြီး ဆယ်ကျမ်းမျှကို အခြေခံပြီး ရေးသားထား သော ဆေးကျန်းမာရေးလမ်းညွှန် စာ အုပ်ကြီးဖြစ်ပေသည်။ ကျွန်တော့်အတွက် တန်ဖိုးမဖြတ်နိုင်သော စာအုပ် တစ်အုပ်ဖြစ်ပေသည်။ လက် ဆောင်ပေးခဲ့သူ ကွယ်လွန်သူ သခင်ချစ်မောင်အား များစွာ ကျေးဇူးတင် လျက်ရှိသည်။

ယင်းစာအုပ်ကို ဖတ်ရန် ဖွင့်လိုက်သည်နှင့် မေတ္တာလက်ဆောင်ဟူသော အခန်းကဏ္ဍတစ်ရပ်ကို တွေ့ရသည်။

ဒေါက်တာဒီ ဒေးဗီးစ်(Dr.D Davis)မှာ အသက်ရှည်မှု၊ လေ့လာမှု ဘာသာရပ်လေ့လာ ရေးအဖွဲ့ လန်ဒန်တက္ကသိုလ်မှ အဖွဲ့ဝင်တစ်ဦးဖြစ် သည်။ ထိုပုဂ္ဂိုလ်ကြီးသည် အီကွေဒါနိုင်ငံ၊ ဗီလ်ကာဘွန်ဘာ နယ်ရှိ လူထု၏ နေထိုင်စား သောက်ပုံ၊ ခန္ဓာကိုယ် တည်ဆောက်ပုံ အနေအထားများ ကို နှစ်နှစ်တိုင်တိုင် သွားရောက် လေ့လာသုတေသနပြုခဲ့သူဖြစ် သည်။ ထိုဒေသမှာ ကမ္ဘာတွင် အသက်အရှည်ဆုံး အုပ်စုများတွင် တစ်စုအပါ အဝင်ဖြစ်ခဲ့ပေသည်။ သူ၏ တွေ့ရှိချက်များကို သူရေးသော စာအုပ်၌ ဖော်ပြထားသည်။

ယင်းဖော်ပြချက်ဆယ်ချက်ကို သခင်ချစ် မောင်(ဝိဓူရ)က ၄င်း၏ အသက်ရှည်ရေး လျှို့ဝှက်ချက်စာအုပ်တွင် မေတ္တာလက် ဆောင်အဖြစ် ဖော်ပြထားခြင်းဖြစ်သည်။ မူရင်းအတိုင်း အောက်တွင် ဖော်ပြလိုက်ရပေသည်။

၁။ သင့်အတွက် အလုပ်မှ အငြိမ်းစားယူရ လျှင် ထိုသို့ယူပြီးနောက်၌ အလုပ်တစ်ခုခုကို မှန်မှန် ဆက်၍လုပ်နေပါ။

၂။ ပင်စင်ယူပြီးနောက် သင် အထူးစိတ်ဝင်စားရာအပျော်တမ်း ဝါသနာလုပ်ငန်းတစ်ခုအတွင်း တွင် စိတ်ကို အလုပ်ပေးထား ပါ။

၃။ အိုလာပြီဆိုသည့် စကားမပြောပါနှင့်။ အိုမှု၌ စိတ်ပျက်၊ စိတ်ဓာတ်ကျနေသူများကို ရှောင်ရှားပါ။

၎။ အရက်သောက်ခြင်း၊ ဆေးလိပ်သောက်ခြင်း ကို လုံးဝရှောင်ရှားပါ။ မဖြစ်နိုင်ပါက အနည်းငယ်မျှသာ သုံးဆောင်ပါ။

၅။ သဘာဝကျကျ၊ အိပ်ရေးဝအောင်အိပ် ပေးပါ။

၆။ ဝန်လေးလွန်း၊ အားစိုက်လွန်းရသော အလုပ်မျိုးကို ရှောင်ကြဉ်ပါ။ မလွှဲမရှောင်သာ လုပ်ရလျှင်လည်း အနည်းဆုံးအားဖြင့် ထိုကဲ့သို့သော အလုပ်မျိုးကို ကိုယ်တွယ်ဖြေရှင်းနိုင်ရန် နည်းလမ်းကို ရှာကြံသိရှိထားပါ။

၇။ သင်၏ သားသမီးများအတွက် သောက၊ ဗျာပါဒ မများလွန်းပါစေနှင့်။

၈။ တစ်နေ့လျှင် အနည်းဆုံးတစ်မိုင်ကျ လမ်းလျှောက်ပေးပါ။ အကောင်းဆုံး သော ကာယလေ့ကျင့် မှုဖြစ်သည်။ အိမ်တွင်း၊ ခြံဥယျာဉ်စိုက်ပျိုးခြင်း အလုပ် သည်လည်း အလားတူ ကောင်းပေသည်။

၉။ သဘာဝဖြစ် အစားအစာများကို အတတ်နိုင်ဆုံး အများဆုံးစားသုံးပေးပါ။ စည်သွတ်အစားအစာများကို အတတ်နိုင်ဆုံး လျှော့စားပေးပါ။

၁၀။ အသားစားခြင်းကို အတတ်နိုင်ဆုံး လျှော့ပစ်ပါ။

အသက်ရှည်လိုသူများအနေဖြင့် အထက်ဖော်ပြပါ အချက်ဆယ်ချက်ကို လေး လေးစားစား လိုက်နာသင့်ကြကြောင်း တိုက်တွန်းလိုက်ရပေသည်။

သခင်ချစ်မောင် (ဝိဓူရ)၏ အသက်ရှည်ရေး၏ လျှို့ဝှက်ချက်စာအုပ်ကို လွန်ခဲ့သော ၂၃ နှစ်က ကျွန်တော့် ထံသို့ ယူလာပေးပို့သည့် မိတ်ဆွေကြီး ဦးအုန်း မောင်ကိုလည်း ကျေးဇူးတင်လျက် သတိရလျက်ရှိပါကြောင်း မှတ်တမ်းတင် အပ်ပေ သည်။

မောင်ဥာဏ်စိန်

Comments

comments

Post Author: manawmaya