ဂုဏ်တော်ကိုးပါး

“ဘိုးဘိုး ပုတီးဘယ်လိုစိပ်ရမလဲ။ ပုတီးစိပ် ကောင်းမှုကုသိုလ်ဘယ်တုန်းက စတင်ခဲ့သလဲ”
သာသနာကို ရှင်အရဟံက စတင်မျိုးစေ့ချ စိုက်ပျိုးခဲ့တယ်။ အနော်ရထာမင်းကြီးက ရေလောင်း ခဲ့တယ်။ အင်းဝခေတ်မှာ သာသနာပင်ကြီး စည်ပင် ဖွံ့ဖြိုးခဲ့တယ်။ ပုတီးစိပ်ခြင်း ကုသိုလ်ကောင်းမှု အင်းဝ ခေတ်မှာ စတင် အားကောင်းခဲ့တယ်။ ဗုဒ္ဓ၏နှုတ်ထွက် ဓမ္မခန်ဒေသနာဟူသမျှကိုပုတီးဖြင့်ပွားများ သရဇ္ဈာယ် နိုင်တယ်။ ဂုဏ်တော်ကိုးပါးကို ပုတီးစိပ်ပွားများ သရဇ္ဈာယ်တာက အစဉ်အလာ ကုသိုလ်တစ်ခုဖြစ် တယ်။
ဂုဏ်တော်ကိုးပါးအကြောင်း ထဲထဲဝင်ဝင်သိ ချင်ရင် ဗုဒ္ဓကိုယ်တော်တိုင် ဟောကြားတော်မူခဲ့တဲ့ ဓဇဂ္ဂသုတ္တံကို လေ့လာဆည်းပူးမှတ်သားပါ။ ဗုဒ္ဓ ကိုယ်တော်တိုင်က “သမ္မာသမ္ဗုဒ္ဓ ငါဘုရားတို့သည် ဂုဏ်တော်ကိုးပါးနှင့် ပြည့်စုံပိုင်ဆိုင်တော်မူကြ၏”ဟု မိန့်ဆိုခြင်းကြောင့် ကိုးပါးစလုံးကိုပင် ပွားများရမည် သာဖြစ်တယ်။ ဂုဏ်တော်ကိုးပါးကို စူးစိုက်ရိုသေ လေးမြတ်စွာ စွဲစွဲမြဲမြဲ ပွားများလျှင် လောကီကိစ္စ ဟူသမျှ ပြီးပြည့်စုံတယ်။ အပင်တစ်ပင်ကို ရေလောင်း လိုက်၊ မလောင်းလိုက်လုပ်လို့မရဘူး။ ရေဝအောင် လည်း လောင်းရမယ်။ ကုသိုလ်ပြုတဲ့အခါမှာ အမှိုက် လှဲလိုက်၊ အမှိုက်ဖွလိုက်ချလိုက် လုပ်လို့မရဘူး။
ဒါကြောင့် ပုတီး ဂုဏ်တော်ကိုးပါးစလုံး စိပ် ပါ။ ပေါက်မြောက်ချင်ရင် သုံးနာရီဆက်တိုက်စိပ်မှ ပေါက်မြောက်မယ်။ သီလလည်း စင်ကြယ်မှ ကိုယ် ကျင့်လည်းကောင်းမှ …။
ငါ့မြေးတို့သိစေချင်လို့ တစ်ခုတော့ ပြောချင် တယ်။ ရှည်ရှည်ဝေးဝေး မပြောတော့ဘူး။ လိုရင်း တိုရှင်းပဲ ပြောပါ့မယ်။ သိပ်ကြီးပြောတော့လည်း ဟုန် သွားမယ်။ ရှင်းလင်း မပြတော့ဘူး။ ဂုဏ်တော်ကိုးပါး ပွားရင် လုံလောက်ပါပြီ။ ကိုးပါးစလုံးပွားရင် အကျိုးစီး ပွားက တစ်ပါတည်းရပြီးသားပါ။ အကျိုးစီးပွားလိုချင် တဲ့ စိတ်လည်း မထားနဲ့။ သို့သော် ဒါလုပ်ရင်ဒီလို ဖြစ်ပါကလားလို့ သိစေချင်တယ်။ တိုက်ရိုက်အချိုး ဆိုတာသိပါ။
(၁) အရဟံ ဂုဏ်တော်ကပွားသူကိုလည်း အများပူဇော်တာခံရမယ်။
(၂) သမ္မာသမ္ဗုဒ္ဓေါ ဂုဏ်တော်က ပွားသူ လည်း တရားသိမြန်တယ်။
(၃) ဝိဇ္ဇာစရဏသမ္ပန္နော ဂုဏ်တော်က ပွားသူကိုလည်း ဝိဇ္ဇာဥာဏ်နဲ့ စရဏအကျင့်တိုးပွား စေတယ်။
(၄) သုဂတောဂုဏ်တော်က ဝစီကြမ်းသူ ဝစီနုသွားစေတယ်။
(၅) လောကဝိဒူဂုဏ်တော်က စကြဝဠာကြီး အကြောင်း အမြင်ကျယ်စေတယ်။
(၆) အနုတ္တရော ပုရိသ ဒမ္မသာရထိက ဆုံးမ ရန် ခက်ခဲသူများကို အလွယ်တကူ ဆိုဆုံးမနိုင်တဲ့ တန်ခိုးရတယ်။
(၇) သတ္တာဒေဝမနုဿာနံက ကျောင်းဆရာ ဆရာမတွေ စိပ်သင့်တယ်။ အများ၏ဆရာတင်လေး စားကြည်ညိုခြင်း ခံရမယ်။
(၈) ဗုဒ္ဓေါက သစ္စာလေးပါးသိမြင်လွယ်စေ တယ်။
(၉) ဘဂဝါက လောကီလိုအပ်ချက်တွေ တစ်နေ့တခြား ပိုမိုပြည့်စုံစေမယ်။ အိမ်ရှင်မများ များများ ရွတ်ပွားကြ။
တူသော အကျိုးပေးရတယ်ပေါ့။ နှစ်နာရီ ဆက်တိုက် စိပ်ကြည့်။ ဆန်အိုးမျက်စောင်းထိုးရုံနဲ့ ဆန် သို့မဟုတ် ပိုက်ဆံဝယ်ဖို့ငွေ ကြံဖန်ရောက်လာ ရော။
ဗုဒ္ဓ ရှေ့က တင်စိပ်။ ဥပမာ ဗုဒ္ဓ အရဟံ၊ ဗုဒ္ဓ သမ္မာသမ္ဗုဒ္ဓေါ၊ ဗုဒ္ဓ ဝိဇ္ဇာစရဏသမ္ပန္နော စသည် ဖြင့် (အကြောင်းရှိလို့ ဗုဒ္ဓထည့်ပေးတာ)

မန်းထွန်း

Comments

comments

Post Author: manawmaya