လိုရင်း တိုရှင်း ဂုဏ်တော်အစီအရင်

ဝိဇ္ဇာလမ်းစဉ် လျှောက်လှမ်းချင်သူတချို့က “အကြားအမြင်ရချင်ပါတယ်ဆရာ၊ အကြားအမြင် ရနိုင်မယ့် ကျင့်စဉ်နည်းလမ်းလေးများရှိရင် မစပါ။ ကျွန်တော်တို့ ကျွန်မတို့ကို ပြောပြပေးပါ”

အဲသလိုမေးမြန်းနည်းလမ်းတောင်းခံလာကြ သူများရှိပါတယ်။ ဝိဇ္ဇာပုဂ္ဂိုလ်ကြီးများရဲ့ စကားကို ငှားပြီးပြောရမယ်ဆိုရင်တော့ –

“နည်းကားမခက် လုပ်ပုံခက်၏” တဲ့။ ကျင့် စဉ်နည်းလမ်းတွေဆိုတာကတော့ ဟိုဝိဇ္ဇာတစ်မျိုး ပြော၊ ဒီဝိဇ္ဇာတစ်မျိုးမိန့်ကြားနဲ့ နည်းလမ်းအသွယ်သွယ် ရှိပါတယ်။ ရွှေတိဂုံစေတီရင်ပြင်တောင်ပေါ်ကို ရောက်အောင် အရှေ့အနောက် တောင်မြောက် မုခ် ကြီး လေးမုခ်က တက်ရင်ရောက်သလိုပဲ အခြား သော ခြေသွားလမ်း၊ ဖြတ်လမ်းကလေးတွေလည်း ရှိနေကြတာပါပဲ။

ဒါကြောင့်လည်း သိဒ္ဓိအထွေထွေကို လှည့် ယူရတဲ့ကျင့်စဉ်တွေဟာ နည်းလမ်းမျိုးစုံရှိနေကြတာ ပါ။ ဒီအထဲက ဘယ်နည်းလမ်းက အကောင်းဆုံးရယ် လို့ ပြောဖို့ရာတော့ ခက်ခဲလှပါတယ်။ ဥပမာ ကိုယ့် ရဲ့မိခင်ကြီးဆိုရင် ပုတီးကျင့်စဉ်နဲ့ နှစ်ပေါက်အောင် ကျင့်ကြံလိုက်တော့ အကြားဓာတ် အမြင်ဓာတ်တွေရ ခဲ့တာပါပဲ။ အံ့ဩရလောက်အောင် ထူးခြားဖြစ်စဉ် တွေ ဖြစ်ခဲ့ရတာပါ။

အချို့သော ပုဂ္ဂိုလ်များကတော့ ပုတီးနဲ့ မဟုတ်ဘဲ အခြား သစ်မြစ်သစ်ခေါက်တွေ(ရုက္ခမူ ဆေးတွေသုံးပြီး)အကြားအမြင်ကိစ္စတွေဆောင်ရွက်ကြ တာတွေလည်း ရှိပါတယ်။ တချို့ကတော့လည်း အင်း နဲ့ ဆောင်ရွက်ကြတယ်။ အချို့ကြတော့လည်း အဂ္ဂိရတ်နဲ့ ဆောင်ရွက်ကြတယ်။ နည်းအမျိုးမျိုးပါပဲ။

ဒီနည်းတွေထဲက ဒိဗ္ဗသောတ၊ ဒိဗ္ဗစက္ခုရစေ တဲ့ အကြားအမြင်ရ ဂါထာတော်နဲ့ ပုတီးစိပ်တဲ့ကျင့် စဉ်ဟာ အတော်လေး ကောင်းမွန်တဲ့ကျင့်စဉ်တစ်ခု ပါပဲ။ ဒီကျင့်စဉ်ကျင့်တော့မယ်ဆိုရင် လိုက်နာရမယ့် တစ်ချက်ကတော့ အဓိဋ္ဌာန်ဝင်တော့မယ် ဆိုတာနဲ့ ကန်တော့ပွဲ ထိုးရပါမယ်။ ထူးထူးဆန်းဆန်း မဟုတ် ပါဘူး။ ဘယ်လိုထိုးရမယ်ဘယ်လိုမထိုးရဘူးရယ်လို့ လည်း ဥပဒေသ သတ်မှတ်ထားတာ မရှိပါဘူး။

အနန္တငါးပါးပွဲလို ငှက်ပျောသုံးဖီး အုန်းတစ် လုံးနဲ့ ပွဲပြင်ရင်ရပါပြီ။ နေ့နဲ့အချိန်ကို ရွေးရမယ်ဆို ရင်တော့ ကိုယ့်မွေးနေ့ရဲ့ မနက် ၉ နာရီမှ စဝင်ရင် ရပါပြီ။ အဲဒါကတော့ နဝင်းချိန်ဖြစ်တဲ့အတွက်အ ကောင်းဆုံးပါပဲ။

အဓိဋ္ဌာန်ဝင်တဲ့ အချိန်တွေမှာ ဝတ်ဖြူစင် ကြယ် မဟုတ်ရင်တောင် ဖြူစင်ကြည်လင်တဲ့အဝတ် အစားမျိုး ဝတ်သင့်ပါတယ်။ ကြောင်ကြောင်ကျားကျား အဆင်မျိုးတွေ မဝတ်သင့်ပါဘူး။ နဂိုကတည်းက ယောဂီရောင်ကို နှစ်သက်လို့ ဝတ်ပြီးအဓိဋ္ဌာန်ဝင်မယ် ဆိုရင်လည်း တစ်နည်းအားဖြင့် ကောင်းတာပါပဲ။ အရေးကြီးဆုံးကတော့ အနံ့အသက်ကင်းမဲ့တဲ့ လျှော် ဖွတ် သန့်စင်ထားတဲ့ အဝတ်ကို ဝတ်သင့်ပါတယ်။

မနက်ဘက် အဓိဋ္ဌာန်ဝင်မယ်ဆိုရင် အမွှေး တိုင် ကိုးတိုင်ထွန်းပါ။ ညနေဘက်မှာ (ညဘက်မှာ) အဓိဋ္ဌာန်စဝင်မယ့်သူများကျတော့ ဖယောင်း ကိုးတိုင် ပါ ထွန်းရင် ပိုကောင်းပါတယ်။ ပုတီးစိပ်ပြီးအမျှဝေတဲ့ အခါ ကြေးစည်ထု အမျှဝေနိုင်ရင် ပိုကောင်းပါတယ်။ (ဒါမှလည်း အကြားနဲ့အမြင်ဓာတ်တွေကို အားဖြည့် ပေးရာ ပိုရောက်တာပေါ့)

ထုံးစံအတိုင်း အဓိဋ္ဌာန်ပုတီးမစိပ်ခင် ဘုရား ရှင်ထံမှာ ငါးပါးသီလခံယူပါ။ မေတ္တသုတ်ရရင်ရွတ် ပါ။ (မရရင် စာအုပ်ကြည့်ရွတ်လည်း ရပါတယ်။ မေတ္တ သုတ်တော်ကို ပုတီးမစိပ်ခင် ဘာဖြစ်လို့ အရင်ရွတ်ခိုင်းရသလဲဆိုတော့ အနီးအနား ပတ်ဝန်း ကျင်မှာရှိတဲ့ မြင်အပ် မမြင်အပ် ပရလောကပုဂ္ဂိုလ် တွေအတွက် မိတ်ဆွေဖွဲ့ခိုင်းလိုက်တာပါပဲ။ အချို့က အဓိဋ္ဌာန်ဝင်တာကို သဘောကျကူညီချင်ကြပေမယ့် တချို့ကလည်း ရွတ်တာဖတ်တာ ပုတီးစိပ်တာတွေ ကို မနှစ်သက်နိုင်ကြတဲ့ မိစ္ဆာတွေလည်း ရှိနေကြ တယ်။

ချစ်တဲ့သူဖြစ်ဖြစ်၊ မုန်းတဲ့သူဖြစ်ဖြစ် ကိုယ့်ကို ရန်လိုမုန်းထားမရှိအောင်၊ ကိုယ်ဝင်မယ့် အဓိဋ္ဌာန်ကို ဖျက်လိုဖျက်ဆီးမလုပ်ရအောင် မေတ္တသုတ်နဲ့ အရံအ တားလုပ်လိုက်တဲ့သဘောပါပဲ။ မိတ်ဆွေဖွဲ့လိုက်တဲ့ သဘောပါပဲ။ အမှန်ကတော့ ကြီးပွားတိုးတက် အောင် မြင်လိုသူတွေ(အကြားဓာတ်အမြင်ဓာတ်ရလိုသူတွေ) အနေနဲ့ ဣဒ္ဓိပါတ်တရား လေးပါးကို နားလည်လိုက် နာ ဆောင်ရွက်ကြရမှာဖြစ်ပါတယ်။

ဒါကို တစ်နည်းအားဖြင့် ကြီးပွားတိုးတက် တန်ခိုးကြီးမှုရဲ့ အခြေခံတရား လေးပါးလို့လည်း အလွယ်တကူ ခေါ်ကြပါသေးတယ်။ အဲဒီအခြေခံ တရား လေးပါးကတော့ –

(၁) ဆန္ဒိဒ္ဓိပါတ် = အလိုဆန္ဒတရား

(၂) ဝီရိယိဒ္ဓိပါတ် = အားထုတ်ကြိုးစားမှု

(၃) စိတ္တိဒ္ဓိပါတ် = ကြံစည်စိတ်ကူးမှု

(၄) ဝီမံသိဒ္ဓိပါတ် = စုံစမ်းဆင်ခြင်မှု ဆိုပြီး တော့ အခြေခံတရား လေးပါးရှိနေတာပါ။ ဒီလေးပါး ကို ဆောင်မထားဘဲနဲ့တော့ အဓိဋ္ဌာန်မအောင်နိုင်ပါ ဘူး။ အကြားဓာတ် အမြင်ဓာတ် မရနိုင်ပါဘူး။ ဒီလေးပါးနဲ့ ပြည့်စုံဖို့တော့လိုပါတယ်။

အကြားဓာတ်အမြင်ဓာတ် ရချင်တဲ့ဆန္ဒရှိ ရမယ်။ လိုချင်တဲ့ဆန္ဒဦးဆောင်ရမယ်။ တက်တက်ြွကြွက မပျင်းမရိ ဝီရိယရှိစွာနဲ့ ကျင့်ဆောင်ရမယ်။ ဘယ်လိုကနေ ဘယ်လို ဆောင်ရွက်ရမယ်ဆိုတဲ့ ကြံစည်စိတ်ကူးမှုတွေလည်းရှိရမယ်။ ဒီလိုလုပ်ရင်ဖြစ် နိုင်သလား၊ အကြောင်းယုတ္တိရှိသလား ဆိုတဲ့စုံစမ်း ဆင်ခြင်မှုတွေလည်း ရှိနေရမယ်။ အဲဒီအချက်တွေ ပြည့်စုံပြီဆိုရင်တော့ ဒီဂါထာကို တစ်ပုဒ်ရွတ် တစ် လုံး ချနဲ့ အနည်းဆုံး ပုတီး ကိုးပတ်စစိပ်ပါ။ ကိုးပတ် ကို ကိုးရက်တိတိ စိပ်ပါ။

ပြီးရင် ၁၈ ပတ်နဲ့ ၁၈ ရက်ပြည့်အောင်စိပ်ပါ။ ပြီးရင် ၂၇ ပတ်နဲ့ ၂၇ ရက်။ ၃၆ ပတ်နဲ့ ၃၆ ရက် ၄၅ ပတ်နဲ့ ၄၅ ရက် စသည်ဖြင့် နဝင်းကျေ ပုတီးစိပ် သွားပါ။ ဆန္ဒမစောပါနဲ့။ တစ်ကြိမ်နဲ့မပြီးမြောက် သေးရင် နှစ်ကြိမ်သုံးကြိမ် ဆက်ကျင့်ဖို့လည်း သတ္တိ မွေးထားပါ။

 

ဒိဗ္ဗစက္ခု၊ ဒိဗ္ဗသောတ

အမြင်အကြားရစေတတ်သော ဂါထာတော်

 

“ဣဒ္ဓိဝိဓ ပရစိတ္တ၊ ဝိဇာနနာ ပုဗ္ဗေနိဝါသာ နုဿတိ ဒိဗ္ဗစက္ခု၊ ဒိဗ္ဗသောတ၊ အာသဝက္ခယ ဥာဏ် အဟံမမ၊ ဒိဋ္ဌဓမ္မ ဝေဒနိယတံ ဣဟွတ် ဣဟွတ်”

ဒီဂါထာကို အစအဆုံးရွတ်ဆိုပြီးမှ ပုတီးတစ် လုံးချရမှာ ဖြစ်ပါတယ်။ ၁၀၈ လုံးပုတီးလုံးနဲ့ စိပ်ရ မှာလည်း ဖြစ်ပါတယ်။

 

ဂါထာတော်ရဲ့ အနက်အဓိပ္ပာယ်

 

ဆင်ထောင်သောင်း၊ မြင်းထောင်သောင်း ဆီမီးရောင်ရော၊ လျှပ်ရောင်ရော၊ တစ်တောလုံး ဆိတ်ငြိမ်သံ၊ ဈာန်ကြွနေတဲ့ လကို သုံးသပ်နိုင်ခြင်း တည်းဟူသော ဣဒ္ဓိဝိဓအဘိညာဉ်သည်လည်း ကောင်း၊ ပရစိတ္တ ဝိဇာနနာ-ဝိဇ္ဇာဓိုရ်အတတ်တို့ကို ပါရဂူမြောက် လမ်းတစ်ဖက်ပေါက် ကူးမြောက် အောင်မြင်၍ ပရစိတ္တ-လူမျိုး ၁၀၁ ပါးတို့၏ စိတ် အစဉ်ကို သိနိုင်သော  ပရစိတ္တဝိဇာနနာ အဘိညာဉ် သည်လည်းကောင်း ပုဗ္ဗေ နိဝါသနုဿတိ အစဉ် မပြတ် ရှေးဘဝလေးဆယ်၊ နောက်ဘဝလေးဆယ် အမျိုးအမည် အဆင်းသဏ္ဌာန် အရွယ်အစား ဖြစ် ရာဂတိ၊ ဘုံဇာတိတို့ကို မြင်နိုင်စွမ်းသော ပုဗ္ဗေ နိဝါသနုဿတိ၊ အဘိညာဉ်သည်လည်းကောင်း၊ ဒိဗ္ဗ စက္ခု နတ်မျက်စိတစ်ထောင်ကဲ့သို့ ထိုထို စကြဝဠာ ဖီလာထုတ်ခြင်း အြွကင်းအကျန်မရှိ မြင် နိုင်စွမ်း သော ဒိဗ္ဗစက္ခုအဘိဥာဏ်သည်လည်းကောင်း ဒိဗ္ဗ သောတ ထိုထိုအရပ်တို့က ပြောသမျှသော စကား အလုံးစုံတို့ကို ကြားနိုင်စွမ်းသော ဒိဗ္ဗသောတ အဘိ ညာဉ်သည်လည်းကောင်း၊ အာသဝက္ခယဥာဏံကာ မာသဝ၊ ဘဝါသဝ၊ ဒိဋ္ဌာသဝ၊ အဝိဇ္ဇာသဝတည်း ဟူသော အသဝေါတရား လေးပါး ကာမောဃ၊ ဘဝေါဃ၊ ဒိဋ္ဌောဃ၊ အဝိဇ္ဇောဃတည်း ဟူသော ဩဃတရားလေးပါးတို့၏ ချုပ်ငြိမ်းရာ အသင်္ခတခါတ်  ပြုပြင်ခြင်းကင်းသော နိဗ္ဗာန်သို့ ရောက်စေနိုင်သော  လောကုတ္တရာအာသဝက္ခယအဘိဥာဏ်လည်းကောင်း အဟံ-ခန္ဓာ ငါးဝသမူဟကို ငါဟုထင်မှတ် ပညတ် ကြလျက်၊ မမ-ရွတ်ဖတ်သရဇ္ဈာယ်အပ်သော-ကျွန်ုပ်၏ ဒိဋ္ဌဓမ္မဝေဒနိယကံ-ယခုလောက ပစ္စုပ္ပန်မျက် မှောက်၌ လောလောလတ်လတ်၊ ထပ်ခါထပ်ခါ ဣဟွတ် ဣဟွတ်မရပ်မဆိုင်း အနန္တအတိုင်းမသိ သော အကျိုးထူးအကျိုးမြတ်၊ အကောင်းဥဿုံ အလုံးစုံတို့ကို မကြွင်းမကျန် အမှန်ပေးဝေကုန်သတည်း။

 

(နေ့စဉ်ပုတီးစိပ်ပြီးရွတ်) အကြားအမြင်ဓာတ် ရကြပါစေ။

 

ဇေယျတုသဗ္ဗမင်္ဂလံ

လင်းရောင်တင်

အရာရာ အောင်မြင်စေတဲ့ ရတနာဒီပံ ရွှေ ဖယောင်းတိုင်ကိစ္စ တခြားကိစ္စများအတွက် လာရောက် ဆွေးနွေးလိုပါက တိုက်အမှတ် ၁၁၀၇၊ ယဿဝတီ ၁၈ လမ်း၊ တောင်ဥက္ကလာ ၁၃ ရပ်ကွက်၊ ရန်ကုန်မြို့။ ဖုန်း ဝ၉ ၄၂၀ ဝ၁၄ ၆၁၄

Comments

comments

Post Author: manawmaya