ကမ္မဆိုတာ ဂြိုဟ်နဲ့လား

 

ထို့အတူ အရက်သောက်လေ့ရှိသူ ကွမ်းစား ဆေးလိပ်သောက်သူများလည်း အချိန်ကျတာနဲ့ နေမရအောင် မိမိစိတ်က ဤကိစ္စကိုပြုပါလို့ စေ့ဆော် တိုက်တွန်းလာပါတယ်။ ထပ်ခါထပ်ခါ ပြုရာကနေ အကျင့်တစ်ခုအဖြစ် စွဲသွားတဲ့အခါ မိမိဘဝကို ထင် ဟပ်စေတဲ့ စရိုက်ဖြစ်တည်လာပြီး စရိုက်ကတစ်ဆင့်  အထုံဖြစ်လာပါတော့တယ်။ အထုံဆိုတဲ့ စကားကို ဥပမာအနေနဲ့ ပြောရရင် အင်းဝခေတ်က နန်းတွင်း သူတွေအတွက် ရေမွှေးဖော်တဲ့အခါ ယနေ့ ပွင့်သစ် စ စံပယ်ပန်း လတ်လတ်ဆတ်ဆတ်တွေ ခူးဆွတ် ပြီး ရာဇဝင်အိုးကြီးတွေထဲမှာ စံပယ် တစ်ထပ်၊ နှမ်းကြီး တစ်ထပ် အပြည့် ထည့် အဖုံးအုပ် ပြီး လေလုံတဲ့ အခန်းထဲမှာ တစ်ရက်သိပ်ပါ။ နောက်နေ့ စံပယ်တွေ ထပ်ပွင့်တဲ့အခါ အိုးထဲက စံပယ်အဟောင်းတွေ ဖယ် ပြီး စံပယ်အသစ်ကို ပထမနှမ်းနဲ့ တစ်ထပ်စီပြန် သိပ်ပါတယ်။ ဒီလိုနဲ့ ရက် ၁၀ဝ ပြည့်တဲ့အခါ နှမ်းတွေ ကို ဖျစ်ကြည့်လိုက်ရင် စံပယ်ရနံ့တွေစွဲနေတဲ့ နှမ်း ဆီတွေ ထွက်လာတယ်။ ဒါပေမဲ့ အဲဒီဆီကို နှမ်းဆီ လို့ မခေါ်ပါဘူး။ စံပယ်ဆီလို့သာ ခေါ်ကြပါတယ်။ ဒါဟာ အထုံရဲ့ ပဝတ္တိအကျိုးပါပဲ။ ဒါကြောင့် ဘဝ အဆက်ဆက် လိုက်ပါအကျိုးပေးလေ့ရှိတဲ့ အထုံ ပါရမီဖြစ်အောင် ကောင်းတဲ့ ကုသိုလ် ကမ္မပထ အလေ့အကျင့်ကိုရအောင် ဆောင်ရွက်သင့်ပါတယ်။ အဲလို အကျင့်စွဲမြဲလာတဲ့အခါ ယခုလို ဂြိုဟ်ဆိုး တွေက ဒုက္ခပေးတာကို တွန်းလှန်နိုင်မှာပါ။ အဲလို ဂြိုဟ်ဆိုးတွေ ထပ်ခါထပ်ခါ မကြုံရအောင် ရတနာ သုံးပါးနဲ့ မိဘ ဆရာသမား ကျေးဇူးရှင်တွေကို ပြစ်မှားပြီးမှ ခင်ပွန်းကြီး ၁၀ ပါး ဝန်ချတောင်းပန် ပွဲတွေလုပ်နေမယ့်အစား နဂိုကပင် မပြစ်မှားမိ အောင် သတိဆောင်ပြီး နေသင့်ပါတယ်။ အဲလို မဟုတ်ရင် ခဏခဏ ပြစ်မှားလိုက် တောင်းပန် လိုက်ဖြစ်နေမှာပါ။ တောင်းပန်တိုင်း မကျေနိုင်လို့ပါ။

ယခုလို ဂရုတစိုက်နဲ့ နေထိုင်ကျင့်ကြံခဲ့ရင် ကမ္မဂြိုဟ်ကိုလည်း ကြောက်စရာ မလိုတော့ပါဘူး။  ကမ္မဂြိုဟ်ဟာ ရာထူးရာခံကြီးတဲ့သူ ဖြစ်နေရင် သူလည်း စိုးမိုးလာပြီဆိုရင် အစွပ်စွဲခံရတာ မေးမြန်း ခံရတာ အလုပ်ရပ်နားခံရတာ အလုပ်ပြဿနာတက် တာ အချုပ်ခံရတာ အဖမ်းခံရထောင်ကျတာတွေ ဖြစ်စေတတ်ပါတယ်။ နိုင်ငံရေးလုပ်သူဆိုလျှင်လည်း လုပ်ဆောင်ချက်မှားလို့ စကားပြောမှားလို့ ပြဿနာ ဖြစ်တာကနေ သာမန်လူတစ်ယောက် အနေနဲ့လည်း ကျန်းမာရေး စီးပွားရေး အိမ်ထောင်ရေးတွေမှာ ဖောက်လွဲဖောက်ပြန်ဖြစ်တာ ဆုံးရှုံးမှုရှိတာကနေ အမှု အခင်း ပြဿနာအထိ ဖြစ်စေတတ်ပါတယ်။

အဲဒီ ကမ္မဂြိုဟ်ဟာ –

၁။ တနင်္ဂနွေသားသမီးဖြစ်ပါက ၂၉ နှစ်မှ ၄၆ နှစ်အတွင်း

၂။ တနင်္လာသားသမီးဖြစ်ပါက ၄၀ နှစ်မှ ၅၀ နှစ်အတွင်း

၃။ အင်္ဂါသားသမီးဖြစ်ပါက ၃၅ နှစ်မှ ၅၄ နှစ်အတွင်း

၎။ ဗုဒ္ဓဟူးသားသမီးဖြစ်ပါက ၄၆ နှစ်မှ ၅၈ နှစ်အတွင်း

၅။ ကြာသပတေးသားသမီးဖြစ်ပါက ၅၂ နှစ်မှ ၅၈ နှစ်အတွင်း

၆။ သောကြာသားသမီးဖြစ်ပါက ၄၂ နှစ်မှ ၅၀ နှစ်အတွင်း

၇။ စနေသားသမီးဖြစ်ပါက ၄၁ နှစ်မှ ၆၂ နှစ်အထိ

၈။ ရာဟုသားသမီးဖြစ်ပါက ၃၉ နှစ်မှ ၅၄ နှစ်အတွင်း ကြုံတွေ့ရတတ်ပါတယ်။

 

“ဦးစအဝင် သာပင်အလယ်၊ ထွန်ြးွကယ် အတွက် ဗုဒ္ဓဟူးဂြိုဟ်တစ်သက်”ဟု ဆိုထားသော ကြောင့်  တနင်္ဂနွေ၊ အင်္ဂါသားသမီးဆိုပါက တနင်္ဂနွေ မှာ ၂၉ နှစ်မှ ၃၅ နှစ်အတွင်း အင်္ဂါမှာ ၃၅ နှစ်မှ ၄၂ နှစ်အတွင်း သောကြာနဲ့ ကြာသပတေးမှာ ၄၅ နှစ်မှ ၄၈ နှစ်အထိမှာ သောကြာသားသမီးအတွက် ဖြစ်ပြီး ကြာသပတေးမှာ ၅၄ နှစ်မှ ၅၆ နှစ်အတွင်း စနေနဲ့ တနင်္လာဖြစ်ပါက စနေမှာ ၅၅ နှစ်မှ ၆၂ နှစ်အတွင်း တနင်္လာမှာ ၄၇ နှစ်မှ ၅၀ နှစ်အတွင်း ဗုဒ္ဓဟူး ရာဟု ဖြစ်ပါက ၄၆ နှစ်မှ ၅၈ နှစ်အတွင်းမှာ ဗုဒ္ဓဟူးဖြစ်ပြီး ရာဟုမှာ ၃၉ နှစ်မှ ၅၄ နှစ်အတွင်း ကမ္မဂြိုဟ်ရဲ့ စီးနင်းမှု အပြင်းထန်ဆုံး အသက် အပိုင်းအခြားတွေ ဖြစ်ပါတယ်။ ဒီဂြိုဟ်စီးနင်းချိန် ရောက်ရင် အခုကောင်းနေပေမယ့် ခဏနေ အဆိုး ဖြစ်နိုင်ပါတယ်။ ဒါကို ဗေဒင်ဆရာလည်း ခံကြ ရပါတယ်။ ကောင်းကောင်းမွန်မွန် နေ ထိုင်တာတောင် ထိခိုက်ကြပါ တယ်။ ဒါကြောင့် ဒီကမ္မကို ဘယ်လို ကာကွယ်မလဲ ပုံသေနည်းအနေနဲ့ မရှိပါဘူး။ တစ်နှစ်ချင်းစီထွက်တဲ့ အဖြေအပေါ်မှာ ယတြာပြု ကာကွယ်ရတာပါ။ အစားထိုးခြင်း၊ ဖြည့်စွက်ခြင်း၊ သစ်ပင်စိုက်ခြင်းနဲ့ ကာကွယ်ရတာပါ။ အဲဒီ ကမ္မဂြိုဟ် ဟာ ဌာနကောင်းမှာ ရပ်တည်နေတာတောင် ဂုဏ် သတင်းထိခိုက်တာ စွပ်စွဲခံရတာ စုံစမ်း မေးမြန်းခံ ရတာ အချုပ် ခေတ္တခံရတာတွေ ဖြစ်ရပါတယ်။

အဲဒီ အ သက်ပိုင်းရောက်ကာနီးရင် သဗ္ဗုဒ္ဓေ ဂါထာကြီးကို အဓိဋ္ဌာန်နဲ့ မကြာခဏ ရွတ်ပွားပေးပါ။ နဝင်းကိုက် ဝင်ရပါမည်။ အမဲသားစားခြင်း ရှောင်ရ မည်။ အရက်သေစာ သောက်ခြင်း ရှောင်ရမည်။ မေတ္တာ အထူးပွားပို့ရမည်။ ရေအစုံ မီးအစုံလှူရမည်။ အဆိုပါ ကမ္မဂြိုဟ်စီးနေတဲ့နှစ်ကို နေ့စဉ် အားထုတ် သင့်ပါသည်။

တစ်ခါက ခင်မင်ရတဲ့မိတ်ဆွေရဲ့ ဇနီးဟာ ဘယ်သူ လမ်းညွှန်တယ် မသိပါဘူး။ တစ်ပတ်တစ်ခါ ဂဏန်းလွှတ်တဲ့ ယတြာပြုပါတယ်။ ကျွန်တော်က ဘာလို့လွှတ်တာလဲ မေးတော့ အနှောင်အဖွဲ့လွှတ် အောင်နဲ့ ငွေဝင်အောင်လို့ ပြောပါတယ်။ ကျွန်တော် က အနှောင်အဖွဲ့လွတ်ဖို့ရာမှာ ပညာစဉ်အရ နာမ် ဂြိုဟ်ဖြစ်စေ ဓာတ်ဂြိုဟ်ဖြစ်စေနဲ့ သက်ဆိုင်တာ

ပဲ ဆောင်ရွက်ရမယ်လို့ ဆိုထားပါတယ်။ ဥပမာ တေဇော ဓာတ်ဆို အမောက်ပါတဲ့သတ္တဝါ၊ ပထဝီ ဓာတ်ဆို မြေနေသတ္တဝါ၊ အာပေါဓာတ်ဆို ရေနေ သတ္တဝါ၊ ဝါယောဓာတ်ဆို ကောင်းကင်ပျံနိုင်တဲ့ သတ္တဝါကို ဖြစ်စဉ်အားလျော်စွာ ဘေးမဲ့လွှတ်ခြင်း အစာကျွေး ဒါနပြုခြင်းတွေ ဆောင်ရွက်ရပါတယ်။ ဂဏန်းကို နာမ်ကောက်ရင် ၂+၇ ပါ။ ထောင်ကျ ဆိုတာ ၇+၂ ပါ ကက်ကင်းပေါ့။ ကက်ကင်းတိုင်း အဆင်မပြေတာ အပြည့်အစုံမသိတော့ မှန်တယ် ထင်တာ ဆောင်ရွက်ရင် အခက်အခဲတွေ၊ ပြဿနာ တွေ ဖြစ်ကုန်တာ မြင်ခဲ့ရပါတယ်။ ကက်ကင်းကို သုံးတာက တစ်နေရာပါ။ ဒီနေရာမှာ ထောင်ကျမှု လွတ်အောင် အချုပ် လွတ်အောင် သုံးမယ်ဆိုရင် ဓာတ်သဘောကွဲလွဲပါက အကျိုးမဖြစ်စေတော့ပါ။ သို့ဖြစ်ပါ၍ မိမိကံဇာတာကို ပြုပြင်ကူညီနိုင်သော ပုဂ္ဂိုလ်များထံ ဆည်းကပ်၍ ဆောင်ရွက်ပါ။ အင်း အနေဖြင့် သုံးပါက စန္ဒအင်း၊ သူရိယအင်းတို့ကို မိမိနှင့် သင့်တော်အောင် ဆောင်ရွက်သုံးစွဲရပါမည်။ ပုဗ္ဗာဏှသုတ်တွင် လာရှိသော ယံဒုန္ဒိမိတ္တံကို အင်း ပြု၍လည်း နေ့စဉ် မီးပူဇော်လျှင်လည်း ထူးသော အကျိုးဖြစ်စေပါမည်။ ဆောင်ရွက်နိုင်သူများ အသုံးပြု လိုပါက “အသက်ကိုတည် ၄ နှင့်မြှောက် တံခွန် ဖြစ်၏။ တံခွန်ကို ၃နှင့် မြှောက်ပန်းပွင့် ကိုး ဖြစ်၏။ ပန်းပွင့်ကို ကိုးနှင့်မြှောက်၊ ပေါက်ပေါက်ဖြစ်၏။ အသက်ကိုတည် ၇ နှင့်စား အြွကင်းနံတူရာဘုရားသို့ အထက်ကရသော တံခွန်၊ ပန်းပွင့်၊ ပေါက်ပေါက် ကိုလှူပါ။ ရောဂါမငြိ ပကတိ ကျန်းမာ၍ အသက် ၁၂၀ ရှည်စေ၏ ဟု ပညာကျမ်းက ဆိုပါသည်။ ဥပမာ အသက် ၅၀ ရှိသူဖြစ်က ၇ နှင့် စားလျှင် ၁ ကြွင်း၏။ နံတူဘုရားဆိုသောကြောင့် အိမ်တော်ရာ ဘုရားတွင် မွေးနံထောင့်(သို့မဟုတ်) အာယုထောင့်၌ မကြာခဏ လှူပေးရပါမည်။ အာယု ထောင့် ဟူသည် မွေးနံတစ်ခု တိုးက အာယုထောင့် ဖြစ်ပါသည်။ ဝဇီရဗုဒ္ဓိဋီကာမှာ “ယေဘုယျနဟိ သတ္တာနံ ဝိနာသေ ပစ္စုပဋ္ဌိတေအဒုယော နယရူပေန ဗုဒ္ဓိမာ ဂမ္မတိ ဋ္ဌတိ” သတ္တဝါတွေမှာ ပျက်စီးချိန်တန်လာရင်  နည်းဆိုး နည်းမှားတွေကို နည်းမှန်လမ်းမှန်လို့ ထင် လာတတ်တယ်။ ပျက်စီးချိန်တန်ရင် ဘာနဲ့မှ မကာ ကွယ်နိုင်ဘူးဆိုတဲ့ စကားရှိထား၍ မိမိတို့ရဲ့ ဥာဏ်နဲ့ စဉ်းစားချင့်ချိန်ဆောင်ရွက်နိုင်ကြစေကြောင်း မေတ္တာ ပြုအပ်ပါသည်။

 

ဇေယျသိဒ္ဓိဆရာကြီးဦးစိုးမင်းအား ဦးခိုက်လျက်

ဆရာကိုကျော်ဟန်

ဝ၉၂၅၀ဝ၆၃၉၂၂

Comments

comments

Post Author: manawmaya