မီးနဲ့ပတ်သက်လို့ မက်တတ်တဲ့အိပ်မက်တွေနဲ့ အဲ့ဒီအိပ်မက်တွေကပြောတဲ့ သင့်ကံကြမ္မာ

တခါတလေ အိပ်နေချိန်မှာ ထူးထူးဆန်းဆန်း အိပ်မက်တွေ မက်တတ်ကြပြီး အဲ့ဒီအိပ်မက်တွေက အကြောင်းမဲ့ မက်တာမဟုတ်ပါဘူး။ သင့်ရဲ့ ကံကြမ္မာနဲ့ပတ်သက်ပြီး အရိပ်အမြွက် အသိပေးတဲ့ အကြောင်းအရာလေးတွေ ဖြစ်တတ်ပါတယ်။ ဒီတစ်ခါမှာတော့ သင့်အိပ်မက်ထဲမှာ မီးနဲ့ပတ်သက်ပြီး မြင်မက်တတ်တဲ့ အကြောင်းအရာလေးတွေနဲ့ အဲ့ဒီအကြောင်းအရာနဲ့ဆက်စပ်နေတဲ့ သင့်ကံကြမ္မာအကြောင်းကို ဖော်ပြပေးလိုက်ပါတယ်။

(၁) နေရာတစ်ခုမှာ မီးတွေအရှိန်အဟုန်နဲ့ လောင်နေတယ်လို့မက်တယ်ဆိုရင်

ဒါက သင့်ရဲ့ စိတ်ပိုင်းဆိုင်ရာအင်အား အရမ်းကောင်းလာမယ့် သဘောပါပဲ။ ဒီလိုမက်တဲ့အခါ မီးလောင်နေတဲ့အရှိန်အဟုန်နဲ့ ပမာဏကများလေလေ သင့်အတွက် ကံပိုကောင်းလေလေပါ။ လက်ရှိအချိန်မှာ သင်ကြုံနေရတဲ့ စိတ်ဖိစီးမှုတွေ လျော့နည်းလာပြီး ဘာလုပ်လုပ် အဆင်ပြေနေမယ့် အဓိပ္ပါယ်ပါ။ အနက်ရောင်မီးခိုးတွေကို မက်မယ်ဆိုရင်တော့ ငွေကြေးကံ သိပ်မကောင်းဘဲ သင့်အနီးအနားက လူတစ်ယောက်ယောက် ကံဆိုးမယ့် သဘောပါ။ ဒီလိုမက်ပြီဆိုရင် သင့်ဘေးနားက လူတွေကို ဂရုစိုက်ဖို့ လိုပါတယ်။

(၂) သင်မီးလောင်ခံရတယ်လို့ မက်ရင်

သင့်ရဲ့အလုပ်နေရာမှာ မယုံနိုင်လောက်အောင် တိုးတက်မှုဖြစ်လာပြီး ပိုကောင်းတဲ့နေရာကို ရောက်မယ့် အဓိပ္ပါယ်ပါ။ သင့်ဘေးနားက လူတွေက သင့်ကို အမြင့်ရောက်အောင် တွန်းပို့ပေးကြမယ့် နိမိတ်ပုံဖြစ်ပြီး သင့်အနေနဲ့ အလုပ်အသစ်တစ်ခုခု စတင်ချင်နေတယ်ဆိုရင် ဒီအချိန်မှာ စလိုက်ပါ။ သင့်ကို မီးစွဲလောင်တယ်လို့ အိပ်မက်မက်တာက သင့်အလုပ်အတွက်ကောင်းတဲ့ နိမိတ်ဖြစ်ပေမယ့် အချစ်ရေးမှာတော့ အဆင်မပြေဘဲ အဖုအထစ်လေးတွေ တွေ့ရမယ့် သဘောပါ။

(၃) မီးလောင်နေတဲ့အထဲက တစ်ယောက်ယောက်ကို သင်ကကယ်ထုတ်လာတယ်လို့ မက်တယ်ဆိုရင်

ဒီလိုမက်တယ်ဆိုရင်တော့ သင်ဝါသနာပါပေမယ့် လုပ်ဖို့ အခွင့်အရေးမရခဲ့တဲ့ အရာတွေအတွက် ထူးခြားတဲ့ အခွင့်အရေးတွေ ရလာနိုင်ပါတယ်။ သင့်စိတ်ထဲက တကယ်ဖြစ်ချင်တဲ့ ဆန္ဒတွေကို အကောင်အထည် ဖော်ခွင့်ရလာတော့မယ့်၊ သင့်ရဲ့ လူမသိတဲ့ အရည်အချင်းတွေကို ဖော်ထုတ်ပြနိုင်မယ့် အခွင့်အရေး ရလာတော့မယ့် အဓိပ္ပါယ်ဖြစ်ပါတယ်။

(၄) မီးလောင်နေတဲ့အထဲက သင့်ကို တစ်ယောက်ယောက်က ကယ်ထုတ်လာတယ်လို့ မက်ရင်

သင့်ဘ၀ရဲ့ အရေးကြီးဆုံးအရာတွေအတွက် သင့်ဘေးနားက လူတွေရဲ့ အကူအညီကို ရနိုင်မှာပါ။ ဒါကြောင့် အခုအချိန်မှာ သင့်အတွက် အခက်အခဲဖြစ်နေတာတွေကို မိသားစုနဲ့ ယုံကြည်ရတဲ့ သူငယ်ချင်းတွေကို ဖွင့်ပြောပြီး အကူအညီတောင်းလိုက်မယ်ဆိုရင် သင့်အတွက် အားလုံးအဆင်ပြေသွားပါလိမ့်မယ်။

(၅) မီးလောင်နေတာကို ငြိမ်းသတ်လိုက်တယ်လို့ မက်တယ်ဆိုရင်

အိပ်မက်ထဲမှာ မီးငြိမ်းဖို့ကြိုးစားနေတယ်လို့ မက်ရင် သင်က အခက်အခဲတွေနဲ့ ကြုံတွေ့ရနိုင်ချေ ရှိပါတယ်။ ဒါပေမယ့် မီးကို ငြိမ်းလိုက်နိုင်တယ်ဆိုရင်တော့ အခက်အခဲတွေကို အေးအေးဆေးဆေး ဖြေရှင်းနိုင်ပါလိမ့်မယ်။ အိပ်မက်ထဲမှာ မီးငြိမ်းဖို့ ခက်ခဲလေလေ အပြင်မှာလည်း အခက်အခဲတွေကို ဖြေရှင်းဖို့ ခက်ခဲလေလေ ဖြစ်မှာပါ။

(၆) မီးလောင်ပြီး သေသွားတယ်လို့ မက်ရင်

မီးလောင်ပြီး သေသွားတယ်လို့ မက်တယ်ဆိုရင်တော့ တကယ်ကို ကြောက်စရာကောင်းတဲ့ အိပ်မက်ပါနော်။ ဒါပေမယ့် အဲ့ဒီလို အိပ်မက်မက်တာက လက်တွေ့ဘ၀မှာ ကြီးမားတဲ့ ကံကောင်းခြင်းတွေနဲ့ ကြုံရမယ့် နိမိတ်ပါ။ သင့်ဘ၀မှာ ဆိုးတဲ့အဖြစ်တွေကနေ ရုန်းထွက်နိုင်ပြီး ပိုကောင်းတဲ့ လမ်းကြောင်းကို လျှောက်နိုင်မယ့် အဖြစ်အပျက်တွေ ဖြစ်လာတော့မယ့် အဓိပ္ပါယ်ပါ။

(၇) သင့်အ၀တ်အစားတွေ မီးလောင်သွားတယ်လို့ မက်ရင်

အ၀တ်အစားတွေ မီးလောင်သွားတယ်လို့ အိပ်မက်မက်ရင် တစ်ယောက်ယောက်ဆီက အ၀တ်အစားတွေ အများကြီးလက်ဆောင်ရတော့မယ့် နိမိတ်ပါ။ တစ်ယောက်ယောက်က သင့်ကို အ၀တ်အစားသစ်တွေ အများကြီး လက်ဆောင်ဝယ်ပေးမှာမို့ ပျော်ရွှင်ရတော့မှာပါ။

Credit : Aunty May

Comments

comments

Post Author: manawmaya