လူသုံးမျိုး

ကျောင်းဆရာဟာ စာသင်ခန်းထဲကို လူရုပ် ကလေး သုံးရုပ် ယူလာခဲ့ပါတယ်။

“တပည့်တို့၊ ဒီနေ့ ဆရာ စာမသင်ခင် တပည့် တို့ကို လူမှုနီတိပညာပေးချင်လို့ လူရုပ်ကလေးသုံး ရုပ် ယူလာခဲ့တယ်”

ဆရာက သူ ယူလာတဲ့လူရုပ်ကလေးသုံးရုပ် ကို စားပွဲပေါ် တင်ပေးလိုက်တယ်။

“အားလုံး လာပြီး ဒီအရုပ်ကလေးတွေကို လာ ကြည့်ကြ”

ကျောင်းသူကျောင်းသားတွေဟာ သူတို့ထိုင်နေ တဲ့ထိုင်ခုံအသီးသီးကနေ ထလာကြပြီး ဆရာ့ရဲ့စားပွဲ မှာ ဝိုင်းအုံရင်း အရုပ်ကလေးတွေကို ကြည့်ကြတယ်။ အရုပ်ကလေးတွေဟာ အရွယ်တူ၊ အရောင်အသွေး တူတဲ့လူရုပ်ကလေးတွေ ဖြစ်ကြတယ်။ ယောကျာ်း အရုပ်လား၊ မိန်းမအရုပ်လားတော့ မကွဲပြားပါဘူး။ဆရာက သူ့တပည့်တွေကို မေးလိုက်ပါတယ်။

“အဲဒီလူရုပ်သုံးရုပ်ကို မင်းတို့ ဘယ်လိုမြင်ကြ သလဲ၊ မင်းတို့ရဲ့အမြင်ကို ပြောပြပါလား”

တပည့်တွေက တစ်ယောက်တစ်ပေါက် ပြော လာကြပေမယ့် တူညီတာကတော့ အရုပ်တွေဟာ အရွယ်တူ၊ အရောင်အသွေးတူပြီး မိန်းမအရုပ်လား၊ ယောကျာ်းအရုပ်လား မကွဲပြားဘူးဆိုတဲ့အချက်ပါ။ အဲဒီတော့ ဆရာက ပြန်ပြောပါတယ်။

“မှန်တယ်၊ မင်းတို့ပြောတာမှန်တယ်၊ ဒီလူရုပ် သုံးရုပ်ဟာ အရွယ်တူတယ်၊ အရောင်အသွေးတူ တယ်၊ ဒါပေမယ့် ယောကျာ်းအရုပ်လား၊ မိန်းမအရုပ် လား မကွဲပြားဘူး၊ ဆရာ ဆိုလိုတာ အဲဒါပဲ၊ ဒီလူ ရုပ်လေးတွေဟာ ယောကျာ်းလည်းဖြစ်နိုင်သလို မိန်း မလည်း ဖြစ်နိုင်တယ်၊ အဲဒီတော့ ယောကျာ်းအရုပ် ဖြစ်ဖြစ်၊ မိန်းမအရုပ်ဖြစ်ဖြစ် လူဟာလူပဲလို့ သဘော ထားလိုက်၊ ဟုတ်ပြီနော်၊ ယောကျာ်းဖြစ်ဖြစ်၊ မိန်းမ ဖြစ်ဖြစ် လူပဲဆိုတာ အသိအမှတ်ပြုလိုက်၊ ဟုတ် လား၊ ဒီတော့ ဆရာ မေးမယ်၊ ယောကျာ်းလည်း လူပဲ၊ မိန်းမလည်း လူပဲ၊ ဟုတ်တယ်မဟုတ်လား”

ကျောင်းသူကျောင်းသားအားလုံးက တစ်ညီ တစ်ညွတ်တည်း ဟုတ်ပါတယ်လို့ ဖြေကြတယ်။ ဆရာက ဆက်ပြောပါတယ်။

“ဟုတ်ပြီ၊ အဲဒီတော့ ဒီလူရုပ်သုံးရုပ်ဟာ အရွယ် တူ၊ အရောင်အသွေးတူပေမယ့် မတူညီတဲ့အသေး စိတ်အချက်အလက်တွေ ရှိသေးတယ်၊ အဲဒီလူရုပ် သုံးရုပ်ကို မင်းတို့က ကိုင်တွယ်ကြည့်ရှုပြီး အနီးကပ် စစ်ဆေးကြည့်လိုက်၊ ဘာတွေမတူသလဲလို့”

တပည့်တွေဟာ လူရုပ်ကလေးတွေကို ကိုင် တွယ်ကြည့်ရှုပြီး အနီးကပ်စစ်ဆေးကြပါတယ်။ နောက်တော့ အားလုံးသဘောတူဆုံးဖြတ်လိုက်တဲ့ မတူညီမှုသုံးခု ထွက်လာပါတယ်။ သူတို့က အဲဒီမတူ ညီမှုသုံးခုကို ဆရာ့ထံ တင်ပြပါတယ်။

“ပထမအရုပ်မှာက နားနှစ်ဖက်လုံးမှာ အပေါက် တွေ ပါတယ် ဆရာ၊ ဒုတိယအရုပ်မှာကျတော့ နား တစ်ဖက်မှာပဲ အပေါက်ပါပြီး ပါးစပ်နေရာမှာ အပေါက်ရှိနေတာ တွေ့ရပါတယ်၊ တတိယအရုပ် မှာတော့ နားတစ်ဖက်မှာပဲ အပေါက်တစ်ပေါက်ပါ ပြီး ကျန်တဲ့ဘယ်နေရာမှ အပေါက်မရှိပါဘူး”

ဆရာက ပြုံးပြီး တပည့်တွေကို ချီးကျူးလိုက် တယ်။

“ဆရာ့တပည်တွေ စစ်ဆေးတာ မှန်တယ်၊ အဲဒီလို မတူညီတဲ့အပေါက်ကလေးတွေနဲ့ပတ်သက် လို့ ဆရာ ရှင်းပြမယ်၊ ရှင်းမပြခင် မင်းတို့ မျက်စိထဲ ကွင်းကွင်းကွက်ကွက် မြင်သွားအောင် လက်တွေ့  လုပ်ပြချင်တာရှိတယ်”

ဆရာက သူ့အိတ်ထဲကနေ တစ်ထွာလောက် ရှည်လျားတဲ့သွပ်နန်းကြိုးသုံးချောင်းကို ထုတ်ယူလိုက် ပါတယ်။

ပြီးတော့ သွပ်နန်းကြိုးတစ်ချောင်းကို ပထမ လူရုပ်ရဲ့ နားပေါက်တစ်ဖက်ကနေ ထိုးသွင်းလိုက် တဲ့အခါ တစ်ဖက်နားပေါက်ကနေ ထွက်လာတယ်။

နောက်ထပ်သွပ်နန်းကြိုးတစ်ချောင်းကို ဒုတိယ လူရုပ်ရဲ့ နားတစ်ဖက်တည်းမှာပဲ ရှိနေတဲ့အပေါက် ကနေ ထိုးသွင်းလိုက်တာ ပါးစပ်မှာရှိတဲ့အပေါက် ကနေ ပြန်ထွက်လာတယ်။

နောက်ထပ်သွပ်နန်းကြိုးတစ်ချောင်းကို တတိ ယလူရုပ်ရဲ့ နားတစ်ဖက်တည်းမှာပဲ ရှိနေတဲ့ အပေါက် ကနေ ထိုးသွင်းလိုက်တာ သွပ်နန်းကြိုးသာ ဆုံးလုနီး နီးဝင်သွားပေမယ့် ဘယ်အပေါက်ကမှ ပြန်ထွက်မ လာဘူး။ပြန်ထွက်လာစရာအပေါက်လည်းမရှိဘူးလေ။

လူရုပ်သုံးရုပ်မှာ သွပ်နန်းကြိုးတွေ ထိုးပြပြီး သွားတဲ့အခါမှာတော့ ဆရာက ရှင်းပြပါတယ်။

“ဆရာက မင်းတို့ကို လူသုံးမျိုးအကြောင်း ရှင်း ပြချင်လို့ လူရုပ်သုံးရုပ်ယူလာပြီး သွပ်နန်းကြိုးတွေ နဲ့ ထိုးပြသရုပ်ပြတာဖြစ်တယ်၊ လူသုံးမျိုးအကြောင်း ပြောပြလို့ ဆရာတို့မင်းတို့ရဲ့ လူသားလောကကြီး ထဲမှာ လူသုံးမျိုးပဲ ရှိတယ်လို့ သတ်မှတ်ချင်တာ မဟုတ်ဘူး၊ သန်းပေါင်းများစွာသောလူသားတွေ အကြားမှာ လူအမျိုးမျိုးစိတ်အထွေထွေ ကွဲပြားခြား နားနေမှာအမှန်ပဲ၊ ဒါပေမယ့် ဆရာက လူသုံးမျိုး အကြောင်းပဲ ရှင်းပြမှာပါ၊ သဘောပေါက်တယ်နော်”

တပည့်တွေက တစ်ညီတစ်ညွတ်တည်း “သဘောပေါက်ပါတယ်ဆရာ” လို့ ဖြေကြပါတယ်။

“ပထမလူတစ်မျိုးက ပထမလူရုပ်အတိုင်းပဲ၊ သူ့ကို ဘာစကားပဲပြောပြော နားတစ်ဖက်ကနေ ဝင် ပြီး နားတစ်ဖက်ကနေ ပြန်ထွက်သွားတယ်၊ ပြော လိုက်တဲ့စကားရဲ့ အတိမ်အနက်၊ အလေးအပေါ့ ဘာ ကိုမှ ဂရုစိုက်ဘူး၊ ဆိုလိုတာက အဲဒီလူစားမျိုးဟာ ဘယ်သူဘာပြောပြော အလေးမထားဘဲ သူ လုပ် ချင်ရာသာ လုပ်တတ်တဲ့အတ္တသမားပဲ၊ ဒုတိယလူ တစ်မျိုးက ဒုတိယလူရုပ်အတိုင်းပဲ၊ သူ့ကို ဘာစကား ပဲပြောပြော နားတစ်ဖက်ကနေ ဝင်ပြီးရင် နောက် နားတစ်ဖက်ကနေ ပြန်မထွက်ဘဲ ပါးစပ်ကနေ ထွက် တယ်၊ ဆိုလိုတာက အဲဒီလူစားမျိုးဟာ ဘယ်သူ ဘာပြောပြော ပြောတဲ့စကားရဲ့ အတိမ်အနက်၊ အလေးအပေါ့ကို ဂရုမစိုက်ဘဲ ကြားလိုက်ရတဲ့စကား ကို တွေ့သမျှလူပြန်ပြောဖို့ပဲ သိတယ်၊ ဘာသတင်း ကြားရကြားရ သူများတွေကို ပြန်မပြောရရင် စား မဝင်အိပ်မပျော်တဲ့လူစားတွေပေါ့၊ နှုတ်ဖွာတဲ့လူစား မျိုးတွေမို့ အရေးကြီးတဲ့စကားတွေ ပြောလို့မရတဲ့ လူစားမျိုးပဲ။ တတိယလူတစ်မျိုးကတော့ တတိယ လူရုပ်အတိုင်းပဲ၊ သူ့ကို ဘာစကားပဲပြောပြော နား ထဲဝင်သွားရင် တော်တော်နဲ့ ပြန်ထွက်မလာတော့ ဘူး၊ ကြားရတဲ့စကားကို ရင်ထဲမှာ သိမ်းထားပြီး ဝေဖန်တယ်၊ သုံးသပ်တယ်၊ အမှားအမှန် ခွဲခြမ်း စိတ်ဖြာတယ်၊ သူတစ်ယောက်တည်း ခွဲခြမ်းစိတ်ဖြာ မှုမလုပ်နိုင်ရင် စာအုပ်တွေဖတ်၊ ပညာရှိတွေကို ချဉ်း ကပ်မေးမြန်းပြီး အဖြေရှာတယ်၊ ပြီးတော့မှ ပယ် သင့်တဲ့စကားကို ပယ်တယ်၊ လက်ခံကျင့်သုံးသင့် တဲ့စကားကို လက်ခံကျင့်သုံးတယ်၊ သူတစ်ပါးကို ပြန်လည်ပြောပြရင် အကျိုးရှိလိမ့်မယ်ထင်တဲ့စကား ကို သူတစ်ပါးကို မျှဝေပေးတယ်”

ဆရာက ရှင်းပြပြီးတဲ့အခါမှာ တပည့်တွေကို မေးလိုက်ပါတယ်။

“အဲဒီလူသုံးမျိုးအကြောင်း သိသွားပြီဆိုတော့ ဆရာ့တပည့်တွေအနေနဲ့ ဘယ်လူရုပ်နဲ့တူတဲ့လူစား မျိုးဖြစ်အောင် လုပ်ကြမလဲ”

“တတိယလူရုပ်နဲ့တူတဲ့လူစားမျိုးတွေဖြစ် အောင် လုပ်ကြပါ့မယ်ဆရာ” လို့ တစ်ညီတစ်ညွတ် တည်း ဖြေကြပါတယ်။ ဒီတော့ ဆရာက ဖြည့်စွက် ပြောလိုက်ပါတယ်။

“ဆရာ့တပည့်တွေဟာ လူအားလုံးနဲ့ အဆင် ပြေအောင် ပေါင်းသင်းဆက်ဆံကြရမှာဖြစ်ပေမယ့် တတိယလူရုပ်လို လူစားမျိုးတွေကို ရွေးချယ်ပြီး လူ ရင်းအဖြစ် စည်းရုံးသိမ်းသွင်းရလိမ့်မယ်”

 

အောင်အေး (ရန်ကုန်တက္ကသိုလ်)

Source: short wisdom stories

 

Comments

comments

Post Author: manawmaya